DAY 5.
Kinabukasan, maagang gumising si Bornok dahil magpapasa na siya ng kanyang requirements sa in-apply-an niya. Kaso, dahil nga sa nangyari kahapon ay parang nag-aalangan siyang lumabas ng boarding house. Sabi nga sa kanya ng dalagang kasama niya, delikado na ang magiging buhay niya magmula ngayon dahil may mga taong posibleng bigla na lamang siyang saktan, o sa huli patayin.
Ito ang kaakibat ng kapangyarihang nakuha niya. Kung wala ito, maaring patay na rin siya… at ngayon, tila ito rin ang magdadala sa kanya sa bagay na iyon.
Pasimple siyang sumulyap sa natutulog na babae sa ibaba niya. Ang amo ng mukha nito habang natutulog. Nilapitan nga niya ito at inayos ang kumot na nakalagay sa katawan nito.
“Hindi ako mamamatay. Gusto kong maging tunay ka nang tao.”
Nang umaga ring iyon a
