خرجت ندا من المطبخ بعد ان فرغت من اعداد الطعام ، ومن قبله انتهت من تنظيف الشقه باكملها ...تقبل على حماتها وهى تجفف يدها بفوطه المطبخ وهى تقول لها بابتسامه ودود .
- نينه ان خلصت الاكل ..تحبى اغرفلك دلوقت
حماتها بابتسامة امتنان:
-لا ياحبيبتى انا لما اجوع حقوم اغرف تعالى بقى اقعدى استريحى انتى ماقعدتيش على حيلك من الصبح.
ندا ....تعبك راحه يانينه ..هو انتى مش زى ماما ولا ايه؟
حماتها وهي ترفع وجهها الى السماء وتقول بكلمات يغلفها الصدق:
-ربنا يخليكى ليا يارب يامراة ابنى واشوف عوضك يارب
ند ا وابتسامه حزينه اخفتها قدر الامكان.....تسلمى يانينه يارب
بعد قليل دخل محمود...ليرى امه فهو من عادته ان يدخل لها قبل ان يصعد شقته
محمود...السلام عليكم
ندا وام محمود ....وعليكم السلام ورحمه الله وبركاته
محمود وهو يقبل يد والدته ...ازيك يااما ..عامله ايه ...اخدتى الدوا ولا لا.
ام محمود: تسلم وتعيش يا
