بل أنت حبيبتي

الفصل السادس(6)

تعبت ندا من كثرة البكاء ودت لو تنزل الى بيتها بيت ابيها، فندا تزوجت فى نفس العمارة التى بها شقه ابيها ..وشقه حماتها.. فشقه ابيها فى الدور الثانى، وشقه حماتها فى الثالث وشقتها فى الرابع ...كانت تود ان ترتمى فى حضن امها وتشكو لها وتبكى فى حالها ...فهى تشعر انها غريبه فى بيتها ومهدده فى اى وقت سوف تتركه سمعته من خارج حجرتها يسالها

محمود وهو يطرق الباب:

- ندا انا حنزل اصلى ظهر الجمعه فى الجامع عايزة حاجه

ندا......لم تسطع الرد عليه

فسمعت صوت اقدامه وهى تبتعد فقامت فتحت الباب وامسكت بالهاتف واتصلت بهناء اختها...

هناء :الو ..ندا فيه ايه

ندا : ايوة ياهناء ..هى ماما جمبك

هناء :لا ماما بتصلى

ندا : طب تقدرى تطلعيلى

هناء : طب ومحمود

ندا :راح يصلى فى الجامع

هناء :طيب حطلعلك حالا

ندا :هناء اوعى ماما تاخد بالها من حاجه عشان خاطرى

هناء :لا متخافيش حتحجج باى حاجه سلام بقي

ندا:سلام

هناء لامها :ماما انا طالعه اانشر السجاده دى فوق السطح لحسن ادلق عليها ميه ومش عنعرف نقعد عليها

زينب :طيب بس متتاخريش

هناء ....حاضر

وصعدت هناء لاختها....فى شقه ندا

هناء:مالك ياندا قلقتينى ...انا من امبارع منمتش من كتر التفكير .

ندا :.انا تعبانه اوووى ياهناء وارتمت فى حضنها تبكي بكاء لم تبكيه من قبل مما جعل هناء تنفجر من القلق

هناء:طب فيه ايه فهمينى تعبتيلى اعصابى؟

حكت ندا ما حدث بينها وبين محمود وما قاله له

انزعجت هناء مما سمعته وقالت:طب ومحمود عمل كده ليه

ندا :معرفش مرتضتش اسمع منه اى حاجه

هناء: ليه مكنتى سمعتيه للاخر كنا على الاقل لما نعرف نتصرف على اساسه

ندا وحتفرق فى ايه يعنى لما اعرف ولا ما اعرفش مادام النتيجه واحد ةوانه حيطلقنى ...قوليلى حتفرق فى ايه؟

هناء :حتفرق طبعا ...ما علينا المهم دلوقت ناويه تعملى ايه

ندا :انى اطلق طبعا انا مقعدتش مع انسان مش عايزنى انا عايزاكى تقولى لبابا يجى بالليل ويقعد معاه ونخلص الموضوع وارتاح بقى

هناء وهى تلطم: ينهاااار اسود انتى يبت هبله وانتى فاكرة انك لما تطلقى ياختى حتارتاحى ولا الناس حتسيبك فى حالك. .دول حيقولو طلقها عشان لاقاها كذا وكذا والناس مبتصدق ....اهدى كدى بس ونفكر بال*قل بلاش تاخدك الجلاله وتهدى المعبد على دماغك ودماغنا

ندا: مهو حيطلقنى بردو ...يبقى اطلب انا الطلاق واحفظ كرامتى

هناء :لا يحبيبتى تفرق لما تتطلقى بعد مده حيقولو اهو متوافقوش لكن تطلقى تانى يوم جوازك ده صعب قوي ومصيبة ليك ولينا

ندا امال عايزانى اعمل ايه؟؟؟

هناء وهى تقترب من اختها : ندا انتى عمرك ماخبيتى عليا حاجه ...انتى لسه بتحبيه برغم ال حصل منه؟؟

ندا :لا كرهتو خلاص بعد ال عملو فيا مش عايزاه ..مش عايزاه..قالت ذلك وقد احتقن وجهها واحمرا من الغضب والقهر.

هناء:هههه يبقى لسه بتحبيه لان ردك كان بغل وغيظ ...انت ساخطه عليه ..لكن لسه بتحبيه...ندا اسمعينى كويس ياحبيبتى ...انتى قدامك فرصه ..تقربى جوزك منك وتخليه يحبك ويشوفك بقلبه مش بعنيه ...قبل متتجوزيه ولما كنتى بتحبيه كنتى بتدارى حبك ومش قادرة تعبرى عن حبك ليه ..عشان كنا بنقول عيب وحرام وميصحش ...لكن دلوقت ايه ال يمنعك ...دلوقت بقى جوزك ...حلالك ..انتى وهو مقفول عليكو بابا واحد ...وصدقينى مفيش راجل حيقاوم واحده وهى معاه لوحدهم ....اعملى كل حاجه واى حاجه..عشان توصلى لقلبه ....فهمانى

ندا :يسلام وتفتكرى انا حقدر اعمل ال انتى بتقولى عليه ده

هناء :ايوة تقدرى. لوانتى حاسه انك ضعيفه من جواكى يبقى بيتك حيتخرب ...لكن لازم تقتنعى من جواكى انك قويه وان دى قضيتك ولازم ت**بيها ...ساعتها حتنجحى صدقينى

ندا:طب وكرامتى ؟؟؟

هناء :نعم ياحبيبتى وهى كرامتك حتبقى سليمه لما تطلقى من تانى يوم وترجعى بيت اهلك...فكرى بعقل

ندا : انا مبقاش فيا عقل ..ولا عارفة أفكر انا خايفه ياهناء ..وافرض عملت كل ال انتى قلتى عليه ده وبعدين برضو طلقنى

هناء :هههىء قال ض*بو العور على عينه ...قال خسرانه ..خسرانه ....على الاقل تبقى حاوالتى عشان بعده كده متزعليش عليه لحظه واحده .

ندا : تتن*د تنهيده حارة ......اه ياهناء انتى متعرفيش انا موجوووووعه قد ايه ..مجروحه اوووووى

هناء وهى تتالم لالم اختها :حاسه بيكى ياحبيبتى والله قولى يارب مالناش غيره ..صلى وادعى ربنا كتيييير ...انه قريب يجيب دعوة الدعى اذا دعاه .........وضمتها لحضنها ....انا حنزل بقى لحسن ماما تحس بحاجه وكمان محمود قرب يجي من الصلاه.. اووووعدينى تبقى قويه وتحاولى تعملى ال قلتلك عليه

ندا ان شاء الله

وانصرفت هناء .. وذهبت ندا لتتوضأ ..وتصلى وتستجير بالله فليس لها غيره معين ومجير

ايه رايكم فى كلام هناء .. تنصحو ندا تعمل بيه ..ولا حد ليه راى تانى قولولى اراكم يمكن تساعدو المسكينه ندا