Eksaktong isang taon ang lumipas simula noong huli kaming magkita ni Sir James. Sa isang taon na malayo ako sa kanya, marami din ang nangyari. Tumulong ako sa pagpatakbo ng negosyo ng mommy habang ipinagpatuloy naman ang pag-aaral ng MA in Business Administration tuwing Sabado. Tuwang-tuwa ang mommy dahil kahit wala pa akong karanasan sa pagdala ng tao at pagpatakbo ng negosyo, nakita niya ang kakaiba kong approach na naging dahilan upang tumaas ang morale ng mga empleyado. Ganado silang magtrabaho, at masaya sila sa trabaho nila. Ipinadama ko kasi na kahit anak ako ng may-ari, pwedeng-pwede nila akong lapitan upang mahingan ng advice o tulong. Kahit makipag-biruan pa sila sa akin ok lang, sa tamang lugar at oras nga lang. Para sa akin kasi, kahit anong liit na bagay na natandaan tungkol s
