Chapter 14
NAKASUOT ako ng maong na pantalon at Blue t’shirt ni Tazmania. Sinuot ko rin ang White cap ko na at black rubber shoes. Naglagay ako ng pulbos at nagpahid lang ako ng kaunting blush on at lipstick upang hindi mag mukhang maputla. Pagkatapos lumabas ako ng bahay namin. Naabutan ko si Mama na nakatingin sa loob ng kotse ko. Naroon kasi ang manok na binili ko.
“Saan ang punta mo?” tanong ni Mama sa’kin.
Sumakay muna ako ng kotse ko bago ko sinagot si Mama sa tanong niya.
“Pupunta po ako sa birthday ng Tito ni Rhina.”
“Manok ang ireregalo mo?”
Tumango ako. “Iyon po ang request niya sa’ming dalawa ni Rhina.” Alibi ko.
“Sabungero pala ang Tito niya. Akala ko magsasabong ka na rin eh.” Sabi ni Mama sa’kin.
“Masyado naman akong maganda para pumunta sa sabungan.”
“Abah! Malay k
