“ANO ang ginagawa mo, Sakura?”
Saglit siyang huminto sa kaniyang ginagawa at tinapunan ng tingin si Joy na kalalapit lang sa kaniyang mesa.
“Um, ini-encode ko lang ito,” sagot niya.
Kunot ang noo na kinuha naman ng dalaga ang isang papel na nasa gilid ng desktop.
“Ginawa ko na ito kahapon, e!” Anito.
Nangunot din ang kaniyang noo. “Huh?”
“Ako ang gumawa nito kahapon. Iniutos ito sa akin ni Sir Sebas. Pinaulit pala sa ’yo?”
“Kanina,” sagot niya ulit. “Tapos nang inihatid ko na sa office niya, pinaulit niya ulit kasi mali raw.”
“Wala ng mali rito, Sakura. Sigurado ako.” Saad pa nito.
Wala sa sariling napatuwid siya sa kaniyang pagkakaupo at napatingin siya sa nakasaradong pinto ng opisina ni Sebas.
Walang-hiya! Gusto ba niya akong pahirapan sa trabaho ko? Sa isip-isip niya.
“Na
