"Sorry, no!" kaaabot lang ni Yko nang bulaklak sa akin ay iyon na agad ang sagot ko rito. Kagigising ko lang, wala na ito sa tabi ko kaya naman nag-shower muna ako saka bumaba.
Sinalubong ako nito nang makitang pababa ako ng hagdan. Ang malakas na tawang nag-echo pa sa living room ay mula kay Kuya Soul na palabas, galing ito sa kusina.
"Ouch! Good morning!" nakangiwing ani ni Yko. Pero kinuha ko pa rin naman ang bulaklak at nagpasalamat dito. Saka ako lumapit kay Kuya at yumakap dito para batiin ito.
"Dapat magbilang ka na kung ilang 'no' na ang isinasagot n'ya." Biro pa ng kapatid ko.
"Medyo marami na, pero may 50 years pa naman ako para maghintay." Naku! 50 years? Baka nakahanap na ito ng iba, kasi napagod na kahihintay sa 'oo' ko. Baka may apo na rin ito kapag nag-50 years na.
