Umalis daw si Yko. Iyon ang sinabi ng kuya sa akin. Akala ko ilang araw lang kaya nagkibitbalikat lang ako.
Pinalampas ko ang mga araw na walang paramdam ito sa akin. Araw nang graduation, umasa pa rin naman akong magpapakita na ito, or tatawag man lang. Pero wala talaga, eh. Hindi ko alam kung bakit bigla na lang nitong pinutol ang ugnayan naming dalawa. Napagod na siguro? Pero kung napagod man s'ya, pwede naman s'yang magsabi sa akin. Mahalaga pa rin namang malaman ko, eh.
"Congratulations, hija! Napakahusay mo talaga." Galak na ani ni Aling Betty sa akin. May iniabot itong maliit na kahon na nakabalot ng gift wrap. Plano ko sanang tanggihan iyon pero iyong ngiti n'ya kasi, kita kong umaasa s'ya na tanggapin ko iyon.
"Alam kong hindi mo talaga ako gusto. Pero iyong intention ko sa
