Habang kumukuha ng impormasyon ang pulis at ang Investigator sa Professor at Dean namin, hindi ko na pinalampas pa ang pagkakataon at tinanong ang magkapatid sa kakaibang nangyayari ngayon dito.
"Lui, anong nangyayari? Bakit may pulis at Investigator?" hindi mapakaling tanong ko sa magkapatid. Kinakabahan ako sa mga nangyayari dahil kapansin pansin na kasangkot ang GA7 sa lahat ng ito. Mukhang sila ang hinahanap ng mga panauhin.
Hindi umiimik ang dalawa. Ni hindi ko mahuli ang tingin nila. May kutob ako na may kinalaman nga sila dahil sa mga pasa at sugat na nakita ko kagabi kay Gino. Kakaiba na talaga ang nararamdaman ko. Gusto kong malaman kung anong dahilan ng lahat ng ito.
"Rio, anong nalalaman ninyo? Bakit sugatan si Gino kahapon? Bakit kayo nandito? Anong nangyayari?" patuloy lang
