JUDE HENRY
Labis ang saya ko at mamaya na ang alis namin patungong Iloilo. Mayroon akong nakaplano pagdating namin doon sa airport ay doon ko isasagawa ang aking proposal.
Wala siyang kaalam alam na may nakaplano na ako, sana lang hindi niya ito tanggihan ngayon palang naduduwag na ako pagnagkataon. Pag dating sa kanya masyado akong takot sa rejection.
"Hijo, naparito ka! Kailan kayo dumating? Ang mag iina mo bakit hindi mo kasama?" sunod sunod na usisa ng ina ni Lynelle.
"A-ako lang po Nanay," sagot ko at sabay nag mano dito. "Ang Tatay po, nasaan?" Tanong ko kaagad dito.
"Paparating na iyon may kinuha lang sa tindahan paalis na dapat ako papunta doon pagkadating mo," mahabang wika nito na hindi maalis ang pagtataka sa kanyang mukha.
"Lina, kanino ang magarang sasakyan na nakaparada
