NAGISING ako dahil sa malakas na ingay sa labas ng apartment na tinutuluyan ko. Tiningnan ko ang orasan ko at nakita kong alas kwatro na ng hapon. Ibig sabihin ay labing dalawang oras na akong tulog. Wala akong naging kaibigan sa mga kapitbahay ko kaya nakapagtatakang may mambubulahaw sa'kin sa ganitong oras.
Pagbaba ko ay binuksan ko ng bahagya ang bintana sa may sala upang silipin ang nasa labas.
"Oh, my gosh!" Nanlaki ang mga mata ko nang makita ko ang mga kaibigan ko. Nagmadali akong lumabas ng para buksan ang gate.
"Dina!"
"Bakla!" Nagtitili si Dina na animoy nakakita ng isang sikat na artista.
Binuksan ko ang gate para makapasok ang mga kotse nila.
"Kumusta kayo? Paano n'yo nalaman na dito ako nakatira?"
Simula kasi ng umalis ako ng Manila ay hindi ko sinabi sa kanila kung sa
