Kabanata 41
Jarry’s POV
Saktong pagkababa ko sa kotse ay natanaw ko rin ang sasakyang nakahinto sa kasunod naming sasakyan. Kaya hindi na muna ako pumasok ng gate para hintayin si Alex. Oo, kotse nga nila Alex, nang mapansin ko si kuya na may tinitignan sa kanyang side mirror, kahit na nakababa na si Alex sa kanilang sasakyan ay todo pa rin ang silip ni kuya. Hindi ko alam kung ano ang tinitingin-tingin niya. Lumapit na lang ako sa bintana at kinatok si kuya.
“Kuya, puwede na po kayong umalis.” Pukaw ko sa kanya. Nang mapansin kong wala siya sa sarili at nakaalis na rin ang sasakyan nila Alex.
Tinanguan lang ako ni kuya at sinundan ang sasakyan. Anong nangyari r’on?
Lumapit si Alex sa akin at tinapik ako sa balikat.
