Kabanata 10
Jarry Lee's POV
Maaga akong natulog kagabi kahit na may malaking palaisipan sa aking utak kung sino ang nagbukas ng bag ko at naglabas ng mga gamit ko sa loob nito. At tungkol naman sa pagkabukas sa mismong pahina sa kaso ni Miss Zoon ay 'di ko na pinagtuonan pa ng pansin. Dahil baka nagkataon lang na roon nagbukas sa mismong pahinang iyon nang dahil sa hangin.
Inaalog-alog ko na naman ulit ang ulo ko at nagmadali ng bumangon sa kama, kumuha na ng tuwalya para makaligo. Maagang nagising dahil pasukan na naman ulit. Matapos maligo, nagbihis at saka kumain. Ako lang palagi sa bahay kapag weekdays kasi si Mama ay maagang pumupunta sa bahay ng mga Nuevo para magtrabaho.
Mga ilang oras lang ang nakalipas ay nasa eskwelahan na ako. Inaayos ko ang pagkakalagay ng aking
