Malakas na napabuga siya ng hangin. Ipinilig niya ang mukha para ibalik sa wisyo ang sarili.
"Muntik na ako ro'n ah..." mahina niyang bulong sa sarili.
Pumasok na siya sa barracks niya at mabilis na isinaara ang pinto. Maliit lang ang barracks niya. Kasya lang doon ang isang maliit na papag at isang kabinet na kahoy. Walang ibang gamit roon kundi electricfan, unan, banig at kumot. Tamang tulugan lang niya iyon. Gawa sa flywood at sementado ang sahid na may linoleum. Ganoon ang mga bahay roon ang naiiba lang ay ang kay Guido. Up and down ang barracks ni Guido. Bato iyon at may aircon sa itaas. May sarili rin itong kusina at banyo sa ibaba ng bahay barracks nito.
Nahiga siya sa kawayang papag niya pagkatapos Siguraduhing naka lock ang pinto. Minsan na siyang napasok sa barracks niya at pi
