“SIR may gusto pong kumausap sa inyo, ang sabi personal daw po” ang sekretarya ni Jim nang pasukin siya nito sa opisina niya. Isang araw ang nakalipas mula nang makumpirma nila ang pagdadalantao ni Joan ay hindi parin siya ganap na nakaka-recover sa nangyari. Ganoon siguro talaga kapag first time Dad. O mas tamang sabihing mahal lang talaga niya ang asawa niya kaya ganoon?
“Sino?” ang tanong niya saka hinubad ang suot na salamin sa mata pagkatapos ay minasahe ang sintido.
“Paul raw po ang pangalan” ang maikling sagot ng kausap.
Nagulat man ay minabuti parin niyang manatiling kalmado bago nagsalita. “Sige papasukin mo” aniyang itinuwid ang pagkakaupo pagkatapos.
Ramdam ni Jim ang mabilis na pagkalat ng tension sa buong silid nang pumasok ang bago
