Lumipas ang isang buwan na wala akong ibang ginawa kung hindi ang maging alila ng isang Collin Madrigal. Hindi ko pa alam kung ano ang tunay na pagkakakilanlan nito hanggang sa mga oras na ito dahil tanging pangalan lamang nito ang alam ko. Wala kasing naglalakas loob na magsalita ng kahit ano tungkol sa kan'ya sa loob ng bahay na ito. Tila ba malaking pagkakamali at kasalanan na pag-usapan at bumanggit ng kahit anong tungkol sa kan'ya. Halos dalawang linggo rin ang lumipas bago ko nalaman ang pangalan ng lalaking dumukot sa akin at nagdala dito sa pamamahay niya.
Wala siyang ibang ginawa araw-araw kung hindi ang pahirapan ako. Pasalamat ko na lang at maayos ang kain at tulog ko sa tulong na rin ni ate Mohana, ang kasambahay na naawa sa akin.
Ilang ulit na nakiusap ako dito na tulungan
