Pagkabalik ko sa kinaroroonang private room ng pamilya ni Lawrence ay pahapyaw kong pinasadahan ng tingin ang kinaroroonan ni Yuzef.
Masayang nagkukwentuhan pa rin ang mga naiwan ko kanina habang patapos na sa pagkain.
Nakita ko ang paninitig sa'kin ni Summer kaya sinuklian ko ito ng inosenteng ngiti. Ilang sandali pa muna bago ito gumanti ng ngiti sa'kin pero halatang napipilitan lang ito.
"May nangyari ba?" salubong na tanong sa'kin ni Lawrence pagkabalik ko sa aking kinauupuan. "Medyo natagalan ka kasi bago nakabalik."
"Nakasalubong ko kasi si Stella sa labas at may pinagkwentuhan lang kami saglit." Sinadya kong iparinig kay Stella na nasa karapat naming upuan ang sinabi ko.
"May gusto ka pa bang kainin?" tanong sa'kin ni Lawrence at mukhang iniiwasan ang usapin tungkol sa pinsan
