Sa buong byahe ay naiparamdam namin ni Yuzef ang pananabik sa bawat isa. Bumawi kami sa ilang araw na hindi kami nagkita at ang mas maganda ay malaya kaming nakapag-PDA tuwing pupunta kami sa canteen ng barko o 'di kaya ay sa mini bar nila. Hindi ko na nga alintana na hindi pasok sa standard ko ang kalinisan at ayos ng lugar dahil ang mahalaga ay ang taong kasama ko.
Nang dumaong ang sinasakyan naming barko ay hawak-kamay pa kaming bumaba ni Yuzef kasabay ng mga pasahero. Ramdam ko talaga iyong pagiging magkarelasyon namin na walang kumukuwestiyon. Pareho kaming may ngiti sa mga labi hanggang sa makasakay kami sa sasakyang sumundo sa amin na minamaneho ng isa sa mga tauhan niya sa resort.
"I like this."
Napukaw ang naglalakbay kong diwa sa biglang pinahayag ni Yuzef habang lulan kami n
