CHAPTER 50
Nilapitan ako ni Papa at binulungan habang nasa tabi ako ng kabaong ni Mama at nagdadalamhati.
"Anak, alam kong naguguuhan ka ngayon. Ayaw ko sanang sabihin ito sa'yo ngayong nagdadalamhati ka pa pero hinihintay ka ng mga pulis.”
“Pulis? Bakit ho may pulis, Pa? Hindi ko kailangan ang pulis. Buhay ang kinuha nila sa akin, buhay din ang kukunin ko sa mga nanunog sa bahay namin.”
“Makakahalata sila, anak. Mainam na isipin nilang may kooperasyon ka sa pagtugis sa salarin. Ipakita mo na iginagalang mo pa rin ang batas at wala kang planong maghiganti. Gusto ka lang naman nilang makausap para na rin maisampa mo ang kaso sa nahuli nilang nanunog sa inyo. Ayon daw kasi sa nakalap nilang mga ebidensiya at sa mga nasabi ng mga witness, malakas ang laban ng kaso mo, anak kung makikipagt
