الفتي الشرير

الحلقة ال 32

#نكمل

* من ناحيه تانيه عند جوز خالتى ومريم قاعدين فى كافيه

جوز خالتى : واحشانى يامريم

مريم : وانت كمان يا ابراهيم واحشنى ... وماصدقت مهيب يعرض عليا اجى الاقصر علشان اشوفك

جوز خالتى : انا حاولت اوصلك كتير زمان وماعرفتش

مريم : بعد مارجعت القاهره اتخطبت على طول واتجوزت

جوز خالتى : وانا كمان بعد ما انتى سافرتى ابويا وعمى ارغمونى انى اتجوز

مريم : مفيش داعى نفتح فى الماضى علشان مانتجرحش اكتر من كده ... وخصوصا انه مابقاش ينفع انت دلوقتى متجوز ومخلف وانا معايا بناتى وابنى ... خلاص احنا اخدنا نصيبنا من الدنيا

جوز خالتى : بس ده ظلم

مريم : مين اللى ظلم ... مش ابوك وعمك هما اللى منعونا من بعض

جوز خالتى : واهو الاتنين ماتوا يعنى من حقنا نعيش الايام اللى جايه مع بعض

مريم : خلاص مابقاش ينفع

جوز خالتى : ليه ماينفعش

مريم : الوضع دلوقتى بقى مستحيل انت متجوز ومعاك اولاد وانا مش هقدر اجيب لبناتى جوز اب ... ده غير المشاكل اللى هتحصل فى العيله عندك

جوز خالتى : الكلام ده كله ليه حل

مريم : وايه هو الحل ده

جوز خالتى : نتجوز بس فى السر وانتى هتسافرى القاهره وانا هجيلك من وقت للتانى

مريم : انت تعرف عنى كده ... مش على اخر الزمن هتجوز عرفي

جوز خالتى : مين جاب سيرة الجواز العرفى

مريم : هو ده معنى كلامك

جوز خالتى : لسه غاويه تفهمينى غلط ... انا قصدى نتجوز شرعى عند ماذون بس هيبقى فى السر لحد ما اظبط اوضاعى هنا وانتى تظبطى اوضاعك وساعتها نعلن جوازنا

مريم : بس انا خايفه من نتيجة القرار ده

جوز خالتى : وانا مش مستعد اضيع يوم تانى بعيد عنك وانتى لو ركزتى فى الصدفه اللى خلت مهيب يصاحب ابنك ويجيبك هنا هتعرفى ان احنا قدرنا مع بعض

مريم : مش عارفه يا ابراهيم سيبنى افكر فى الموضوع وارد عليك

جوز خالتى : انتى مش محتاجه تفكرى ... انتى لسه بتحبينى وبدليل انك سميتى ابنك على اسمى

مريم : انا طول عمرى بحبك ... ومفيش لحظه قدرت انساك فيها ابدا ... انت على طول فى بالى

جوز خالتى : خلاص يبقى كده انتى موافقه ... يبقى بعد مانخلص جواز بنتى انت هتسافرى القاهره وانا هحصلك بعد كده ونتجوز هناك

مريم : من هنا لحد مايخلص فرح بنتك يحلها الف حلال

* من ناحيه تانى امانى قاعده فى البيت وخطيبها قاعد معاها

سيف : ازيك يا امانى .... وحشتينى طول فترة الامتحانات

امانى : كويسه ... انت اخبارك ايه واخبار شغلك ايه

سيف : تمام ماشى الحال .... عملتى ايه فى امتحاناتك

امانى : تمام عدت على خير

سيف : عند ليكى خبر حلو

امانى : خير

سيف : انا اشتريت الشقه خلاص ... وهسلمها لمهندس د*كور صاحبى هيشطبها

امانى : لسه بدرى على الكلام ده ... احنا فين والجواز فين

سيف : وفيها ايه لما نتجوز وتكمل تعليمك عادى

امانى : لا طبعا مستحيل الكلام ده ... احنا متفقين ان الجواز بعد ما اخلص جامعه

سيف : اسمعينى بس ... احنا نتجوز وانتى تكملى تعليمك

امانى : ده شرطى من الاول ولو مش عاجبك كل واحد يروح احاله ونقفل الموضوع على كده

سيف : بالساهل كده نسيب بعض

امانى : علشان نبقى على نور من الاول ... احنا اتفقنا على حاجات من اول يوم وانت قولتلى ظروفك وانا قولتلك ظروفى يعنى اى تغيير فى الاتفاق يبقى انت بتحكم على علاقتنا بالنهاية قبل ماتبدأ

سيف : خلاص اللى يريحك .... انتى طلباتك اوامر .. طب حتى قابلى المهندس علشان تقولى انتى محتاجه الشقه تتشطب ازاى

امانى : حاضر ... ابقى حدد معاه معاد وبلغنى

سيف : خلاص تمام هشوف الدنيا وابلغك ... بس ايه الخاتم اللى انتى لابساه ده

امانى : ده مهيب زميلى ف الجامعه جابهولى هديه بمناسبة الخطوبه

سيف : ورينى كده ... اخد سيف الخاتم وبص عليه ... ايه ده خاتم الماس وشكله غالى جدا

امانى : ايوه وفيها ايه دى

سيف : ازاى فيها ايه .... الخاتم ده تمنه مش اقل من نص مليون ... مين مهيب ده علشان يجيبلك خاتم زى ده

امانى : مهيب ده معايا فى الجامعه من الاقصر ومن عيله كبيره جدا هناك

سيف : برضه مش لدرجة انه يجيبلك خاتم زى كده ... هى عيلته بتشتغل فى ايه

امانى : معرفش عيلته بتشتغل فى ايه ... بس هو معاه شركة مقاولات فى الاقصر وبياسس شركة برمجه الفتره دى

سيف : ده شكله غنى جدا

امانى : اه هو معاه فلوس كتير ... وعلى فكره هو عازمك على الفرح بتاعه بعد العيد

سيف : عازمنى انا

امانى : ايوه ... هو قالى اعزمك تيجى الفرح معايا

سيف : هو قدك فى السن ولا اكبر منك

امانى : لا قدى ومعايا فى السكشن بتاعى

سيف : طب اهو زميلك هيتجوز وهو بيدرس ... اشمعنا انتى مش موافقه ان احنا نتجوز

امانى : كل واحد حر فى حياته ودى طريقتى وانا مش هغير قرارى فى الجواز ده نهائى

سيف : خلاص براحتك زى ما تحبى

* من ناحيه تانيه بعد الغدا ابويا اخد عربيته وخرج بيها وقعد يمشى لحد ماوصل لعماره ودخل وركب الاسانسير ووصل للدور الخامس وخرج وفتح باب الشقه بالمفتاح واول مادخل كان فى واحده قاعده بتتف*ج على التلفيزيون وسرحانه ومش مركزه مع الباب

ابويا : ازيك يا ابتسام

ابتسام : ايه ده خضيتنى ياعمر

ابويا : انا دخلت من فتره بس الظاهر كده كنتى بتفكرى فى حاجه

ابتسام : لا ابدا بس ماكنتش اعرف انك هتيجى النهارده

ابويا : بعد الغدا كنت قاعد لقيتك وحشتينى قولت اعملك مفاجأه واجيلك .... ولا المفاجأه مش عاجباكى

ابتسام : لا ازاى دى احسن مفاجأه ... انا كنت قاعده زهقانه وكنت عاوزه اكلمك بس خوفت تكون قاعد مع مراتك ولا حاجه وتشك فيك

ابويا : انا حسيت بيكى وقولت اجيلك

ابتسام : ربنا يخليك ليا

ابويا : طب قومى كده اجهزى وظبطى الدنيا على ما ادخل اخد شاور واغير هدومى

ابتسام : من عينى ربع ساعه وكل حاجه هتكون جاهزه

وقام ابويا دخل الحمام وابتسام قامت غيرت هدومها ولبست قميص نوم وجهزت القعده وحطت عصاير وم**رات لان ابويا مابيشربش اى خمور والسجاير م***ع منها بسبب القلب وبعد نص ساعه ابويا خرج من الحمام ولابس تيشرت وشورت ودخل على اوضة النوم كانت ابتسام جهزت كل حاجه وطفت النور وولعت شموع ونورت اضاءه هاديه وشغلت السماعه وحطت فيها فلاشه بس لسه ما شغلتش اغانى

ابويا : ايه الجو الحلو ده

ابتسام : انت بس تشاور وانا احققلك كل اللى بتتمناه

ابويا : انا بحبك قوووووى يا ابتسام

ابتسام : كلمة بحبك دى قليله قوى على اللى جوايا

ابويا : مالك شكلك متغيره النهارده

ابتسام : لا ابدا مفيش حاجه

ابويا : كنتى واحشانى قوووى الفتره اللى فاتت

ابتسام : انت من ساعة مارجع ابنك من السفر وانت مطنشنى

ابويا : مش بايدى بس فعلا من ساعة ما رجع مهيب من السفر وانا مشغول معاه لان خلاص الشغل اللى بجد بدأ واحنا محتاجين كل ساعه

ابتسام : ربنا معاكم ... بس خلى مهيب يخف عن نفسه وعليكم شويه

ابويا : بالع** انا مبسوط جدا باللى بيعمله ده

ابتسام : ازاى يعنى ... ده مطلع عينكم فى الشغل ده غير الخطر اللى بيتعرض ليه وانت شوفت بنفسك اللى حصل

ابويا : على قد ما انا خايف عليه ... على قد ما انا مبسوط انه طلع راجل عارف يحافظ على نفسه وهيحافظ على اخواته من بعدى

ابتسام : ربنا يد*ك طولة العمر ويخليك

ابويا : العمر مهما طال مسيره هيخلص

ابتسام : ماتقولش كده ياعمر انا مقدرش اعيش من غيرك

ابويا : سيبك من الكلام ده وقوليلى انتى محتاجه حاجه

ابتسام : تسلملى ياحبيبى انت مش مخلينى محتاجه حاجه ابدا ... بس فى حاجه حصلت وخايفه ان انت تزعل

ابويا : خير يا ابتسام

ابتسام : انا حامل

ابويا : حامل ازاى

ابتسام : حامل عادى زى اى واحده ما بتحمل ... هو احنا مش متجوزين

ابويا : ايوه متجوزين بس اتفقنا من اول يوم جواز مفيش اطفال وانتى وافقتى وانا ما ظلمتكش واللى خلانى اتجوزك واشرط عليكى الشرط ده انك اصلا مخلفه واولادك عايشين مع ابوهم من بعد طلاقكم ... ده غير انى امنتلك مستقبلك واشتريتلك الشقه دى وكتبتها باسمك وحطيتلك مبلغ كبير فى البنك علشان لو حصلى حاجه ابقى مطمن عليكى

ابتسام : انا عارفه الكلام ده كويس بس ده مش ذنبى انا فجأه تعبت من اسبوع وروحت كشفت والدكتور قالى انى حامل فى الشهر التانى ... واظن ان احنا متجوزين من اكتر من 3 سنين ومحصلش حمل لكن الظروف جات كده

ابويا : طب والحل دلوقتى

ابتسام : اوعى تقولى انزل العيل

ابويا : لا طبعا ده مهما كان ابنى او بنتى اللى فى بطنك وانا مش ممكن اخليكى تعملى حاجه زى دى

ابتسام : انا كنت خايفه تقولى انزله

ابويا : ليه انتى شيفانى وحش قوى كده

ابتسام : بالع** انا مشوفتش احن منك فى حياتى ... انا من يوم ماعرفتك وبعتبرك ابويا وجوزى واخويا ... هو انا انسى ان انت الوحيد اللى وقفت معايا بعد ما اقرب ناس ليا باعونى وقفت معايا من غير مايكون فى نيتك اى حاجه وحشه واكرمتنى واتجوزتنى .... بس كنت خايفه موضوع الحمل ده يزعلك منى

ابويا : اولا حملك ده حاجه مش بايدينا ... احنا حاولنا على قد مانقدر نمنع الحمل بس من الواضح ان ده مش فى ايدينا

ابتسام : طب هتعمل ايه دلوقتى

ابويا : مش هينفع اعلن فى العيله على موضوع جوازنا والا الدنيا هتخرب وهتحصل مشاكل مش هتتلم بسهوله ... ده غير ان اللى فى بطنك ده ابنى او بنتى ليه حق عليا ولازم ائمنله مستقبله علشان لو حصلى اى حاجه

ابتسام : بعد الشر عليك من اى حاجه وحشه

ابويا : سبينى وقت افكر واشوف هتصرف فى الموضوع ده ازاى

ابتسام : براحتك ياحبيبى خد وقتك وفكر براحتك

ابويا : على العموم مش عاوزك تتعبى نفسك ولا تعملى اى مجهود ومن بكره هشوفلك واحده تقعد معاكى تخدمك ومش عاوزك تعملى اى مجهود وانا هجيلك كل يوم واشوف طلباتك

ابتسام دخلت فى حضن ابويا : انا بحبك اووووى ياعمر

ابويا : وانا كمان بحبك اوى ... امتى معادك الجاى عند الدكتور

ابتسام : معادى معاه بعد اسبوع

ابويا : خلاص ابقى فكرينى قبلها بيوم علشان اروح معاكى للدكتور

ابتسام : ربنا يخليك ليا ياعمر ... انت بجد عوضى عن كل الايام الوحشه اللى مرت عليا

ابويا : طب اسيبك دلوقتى علشان اتاخرت ومعايا شغل مهم

ابتسام : انا نفسى تبات عندى النهارده

ابويا : معلش ياحبيبتى بس معايا شغل مهم لكن اوعدك بكره هبات عندك

ابتسام : خلاص ياحبيبى انا هستناك بكره وهعملك احلى عشاء

ابويا : اياكى تعملى اى حاجه .. انا هجيب معايا اكل جاهز

وهجيبلك كل لوازم البيت اللى ناقصه بس انتى اكتبيلى ورقه بكل اللى ناقصك ... وزى ماوعدتك فى خلال يومين بالكتير هجيبلك واحده تخدمك

* نرجع عندى انا وا****عه قاعدين فى الكافيه بنرغى مع بعض ... محمد جاله تليفون مهم قام يرد عليه وانا قمت ادخل الحمام وسبت هدير وفاتن قاعدين مع بعض والحرس واقفين قصاد الكافيه بس شايفين اللى بيحصل جوه

هدير : مالك كده سرحانه

فاتن : مبسوطه قووووى

هدير : يارب دايما تبقى مبسوطه ... بس ايه سبب الانبساط ده

فاتن : مهيب هو اللى مفرحنى .... مفيش حاجه نفسى فيها الا وبيحققهالى من غير نقاش

هدير : ده بس علشان مهيب بيحبك

وفى عز ما هدير وفاتن بيتكلموا دخل عليهم اتنين شباب وسحبوا الكراسى وقعدوا

الشاب الاول بص لفاتن : القمر قاعد وحده كده ليه

هدير : قوم ياحيوان من هنا

الشاب التانى : ليه بس الغلط ده

هدير : هعد ل 3 ولو ماقمتوش بالذوق هتندموا

الشاب التانى : طب مش قايمين ورينا هتعملى ايه

فى اللحظه دى محمد انتبه وبص على فاتن وهدير وشاف الاتنين اللى بيعا**وهم وانا كنت خلصت حمام ورايح ناحيتهم وشوفت المنظر

هدير بصت وشاف*نا وبعدين بصت للشباب : خلاص خليكم قاعدين انتوا اللى اختارتم وانتوا احرار فى اختياركم

ودخلت انا ومحمد عليهم

انا : انت مين ياض وليه قاعد هنا

الشاب الاول : انا اقعد فى المكان اللى يعجبنى

انا : انت بتستظرف يا ******

الشاب الاول : انت كده غلطت وانت مش عارف بتكلم مين

انا : الظاهر كده انت اللى مش عارف بتكلم مين وسحبته من لياقة القميص ورميته على الارض ومحمد مسك الشاب التانى واشتغل فيه ض*ب واحنا بنض*بهم الجاردات شافونا دخلوا بسرعه وخلصوا العيال من تحت ايدينا ومسكوهم ومدير المكان جيه بسرعه هو والامن واللى بيشتغلوا ده غير الناس اللى اتلمت

الشاب الاول : الظاهر انت مش عارف انت بتكلم مين ولا بتتعامل مع مين انا هضيعك

مدير المكان : احنا اسفين يا مازن باشا ... وبصلى وقالى لو سمحت سيبهم واخرج من هنا احنا مش ناقصين مشاكل

انا : فى ايه يا ***** انت كمان خايف من حتة عيل مالهوش لازمه

مدير الكافيه : يا استاذ ده مازن ابو اليزيد ابن العميد جلال باشا ابو اليزيد

انا بصيت للواد : انت صحيح ابن جلال ابو اليزيد

مازن : ايوه وكلها ساعه وهحبسك انت واهلك كلهم

انا : روح قول لابوك ***** ... لا انت ولا ابوك هتعرفوا تعملوا اى حاجه ... وبصيت للجارد وقولتلهم قلعوهم هدومهم

الجارد : امرك ياباشا .. وبالفعل الجاردات كتفوهم وبيقلعوهم هدومهم ودخلت ناس علشان تحجز طلعت مسدسى وض*بت طلقتين فى الهواء ... اللى هيفكر يقرب من هنا هقتله .. الناس خافت ورجعت ... بعد ما الجاردات قلعوهم الهدوم وسابوهم بالهدوم الداخليه بس ... بصيت على مازن وقولتله روح لابوك وقوله مهيب صقر قلعنى هدومى ورمانى فى الشارع ولو هو دكر يجى يواجهنى هنا ... وبصيت على الجاردات يرموهم فى الشارع ويرمولهم الهدوم بتاعتهم .... وبعد ما مشيوا

مدير الكافيه بص عليا : ماكنش ليه لازمه اللى انت عملته ده حضرتك انت كده هتقفلنا الكافيه وانت هتروح فى داهيه

انا : ده لما يكون بتكلم عيل

مدير الكافيه : يافندم القسم بعد شارعين من هنا يعنى نص ساعه بالكتير وهتلاقى الدنيا مقلوبه علينا هنا

انا : لا ماتقلقش كده محدش هيعملك حاجه .. وطلعت تليفونى واتصلت باللواء ياسر زيدان مدير الامن وفتحت الاسبيكر

ياسر : الغالى اللى واحشنى ومابيسالش

انا : طب لقتنى مابسالش اسال انت

ياسر : معلش بس مشغول هنا فى المديريه والدنيا مقلوبه

انا : ربنا يكون فى عونك ياباشا

ياسر : خير بتتصل فى حاجه

انا : فى موضوع حصل كده وكلمتك علشان تلمه انت بطريقتك احسن ما اتدخل انا وساعتها فى ناس كتير هتزعل

ياسر : خير فى ايه

انا : كنت قاعد فى الكافيه مع مراتى وحصل ( حكيت الموضوع )

ياسر : طب اقفل انت وانا هتصرف

وقفلت مع ياسر

محمد : مين ياسر ده يا مهيب

انا : ده يبقى اللواء ياسر زيدان مدير الامن

محمد : طب تمام

انا بصيت لمدير الكافيه : روح شوف شغلك ومالكش دعوه الموضوع اتحل خلاص

مدير الكافيه اندهش وسابنا ومشى واحنا قعدنا على الطرابيزه تانى

فاتن : ايه اللى انت عملته ده ... انت كده هتخرب الدنيا

انا : ولا هخرب الدنيا ولا حاجه

محمد : انت تعرف ياسر زيدان من فين ده لسه جديد هنا

انا : ياسر ده يبقى عم عمر صاحبى بتاع المنوفيه اللى معايا فى الجامعه واتعرفت عليه لما عمر عزمنى عندهم من فتره وقابلته هناك والراجل طلع حاجه زى العسل وكان وقتها منقول جديد هنا

محمد : طب تمام

* من ناحيه تانيه بعد ما خرج مازن والواد اللى معاه طلعوا على المدريه عند ابوه علشان ياخد حقه منى واول ماوصل وخبط على ابوه الباب ودخل ابوه ض*به حتة قلم خلى دماغه تلف

مازن : بتض*بنى ليه يابابا

جلال : علشان انت ماتربيتش وكل شويه بمشكله شكل وانا كل شويه بصلح وراك واقول عيل وفرحان بشبابه لكن توصل انك تعا** واحده قاعده مع جوزها يا وسخ ... لا ودى مش اى واحده دى مرات مهيب صقر يابن الكلب يعنى ممكن يودينى انا وانت ورا الشمس

مازن : وانت عرفت من فين اللى حصل

جلال : مهيب صقر اتصل باللواء ياسر وقاله ان يلم الموضوع احسن مايتدخل هو ... و مهيب صقر ده مش حاجه ساهله يعنى ممكن يضيعنا كلنا انت ماتعرفهوش زى ما انا اعرفه

مازن : حتة العيل ده مخوفكم كده

جلال : العيل اللى انت بتتكلم عليه يبقى كبير عيلته وبيتحكم فى رجاله بشنبات ولا ماخدتش بالك من الرجاله اللى قلعوك هدومك انت وال ***** اللى معاك ورموك فى الشارع

مازن : بس انا مش هسيب حقى .... وقام مشى بسرعه وخرج

من عند ابوه ونزل تحت واتصل بواحد بيشترى من عنده حشيش وراح قا**ه واتفق معاه انهم يهجموا عليا ويض*بونى علقه سخنه ويخ*فوا فاتن

* نرجع عندى انا ... اخدنا سهرتنا وكل شئ تمام ومحدش اتعرضلنا

محمد : يلا بينا نمشى الساعه 12 دلوقتى

انا : ايه رائيك يافاتن نمشى ولا نقعد

فاتن : خلاص تمام كده يلا بينا انا تعبت ومحتاجه انام

انا : طب يلا بينا نمشى

وقمنا علشان نمشى واحنا فى الطريق فجأه فى عربيات بت**ر علينا واحنا مكانش معانا غير اربع جاردات ماشين فرانا بعربيه ووقفنا لقينا عربيه نقل نزل منها اكتر من 15 راجل معاهم سلاح ولسه هيتحركوا ناحيتنا

وقبل ماحد فيهم يتحرك ظهرت 5 عربيات نزل منها ناس مسلحه واشتغل ض*ب النار بينهم وبين بعض لكن فى الاخر تمت السيطره على العيال ده والرجاله اللى انقذتنا كتفوهم ورموهم جوه العربيات ... كل ده بيحصل وفاتن وهدير مستخبيين جوه العربيه وانا ومحمد بنتف*ج وانا مش فاهم ايه اللى بيحصل ومين الناس دى وفى ايه بيحصل وفجاه واحنا واقفين واحد قرب ناحيتى

الراجل : مهيب باشا ... انت بخير

انا : ايو انا بخير .... لكن انتوا مين

الراجل : ماعنديش اوامر اقولك .... كل الاوامر اللى عندى انى الحقك

انا : طب مين دول اللى عاوزنى يقتلونى

الراجل : دول شوية عيال بعتهم مازن علشان يقتلوك بس احنا عرفنا فى الوقت المناسب واتدخلنا

انا : طب ايه المطلوب دلوقتى

الراجل : مفيش اى حاجه تقدر تتفضل تمشى واحنا هنحرسك لحد مانتاكد انك بقيت فى الامان

انا : طب شكرا

واخدت ا****عه ورجعنا الفيلا وانا مش فاهم حاجه وطول الطريق ساكت مش عارف اقول ايه ومحمد كل شويه يسالنى مين الناس دى

___________

وكده الحلقة خلصت .... نتقابل الحلقة الجاى علشان نعرف هيحصل ايه تانى