الفتي الشرير

الحلقة التالتة

#الفتي_الشرير

#الحلقة_الثالثة

________

بعد مامشيت من الكافيه روحت البيت اخدت اللاب توب وقعدت فى البلكونه اتف*ج على افلام والوقت سرقنى وببص فى الساعه لقيتها واحده بعد نص الليل قولت كفايه كده وادخل انام وبعد مادخلت اوضتى رميت جسمى على السرير وفضلت على الحال ده لمده اسبوع .

لغايه ماصحيت فى يوم لقيت ابويا وامى واخواتى بيجهزوا نفسهم علشان ياخدو اخر 10 ايام فى الاجازه فى الغردقه بس انا كنت قايلهم قبلها اسبقونى وانا هظبط دروسى واحصلكم ووافقوا

بعد ماسافروا قعدت فى الشقه اذاكر واظبط دروسى علشان احصل اهلى على الغردقه اخدلى كام يوم معاهم ، بدات مذاكرة وبعدها نمت شويه ماكملتش ساعتين نوم وصحيت على رنه تليفونى ببص فى التليفون لقيت اللى بيرن عليا واحد استغربت من المكالمه

صحيت على رنه تليفونى ببص فى التليفون لقيت الرقم اللى بيرن رقم واحد من عندنا فى البلد اسمه سيف بس علاقتى بى سطحيه بقابه فى العزا والافراح لكن مش صاحبى اوى بس هو برضه من عيله غنيه جدا بطريقه غريبه لان اللى سمعته من جدى قبل مايموت انهم كانوا ناس على قد حالهم بس لقيوا فى بيتهم اثار ومن ساعتها حالهم اتبدل وبقيوا اغنى ناس فى البلد

رديت عليه

انا : الوووو

سيف : ازيك يا مهيب

انا : تمام ايه اخبارك انت واخبار البلد

سيف : كله تمام

انا : خير ياسيف فى حاجه

سيف: اه كنت محتاجك فى موضوع مهم ومستعجل

انا : خير

سيف : مش هينفع فى التليفون

انا : بس انا مش اقدر انزل البلد اليومين دول لانى رايح الغردقه بكره او بعده علشان ابويا وامى واخواتى هناك وانا المفروض احصلهم

سيف : لا سيبك من موضوع الغردقه انا عايزك فى حكايه مهمه جدا وانا اصلا قريب منك

انا : طب طالما انت قريب منى تعلالى البيت

سيف : عشر دقايق واكون عندك سلام

انا : سلام

قفلت مع سيف وقلقت جدا من المكالمه ياترى عايز منى ايه ياسيف

مافيش ربع ساعه والباب كان بيخبط قمت فتحت وكان سيف قدامى رحبت بيه ودخلته

سيف : ايه ياعم مهيب التغيير الجامد ده

انا : اهو بنحاول نتغير شويه

سيف : لا بس كده احلى بكتير

انا : شكرا ياسيدى تشرب ايه ياسيف

سيف : لا شكرا مش عايز اشرب حاجه دلوقتى خلينا فى الموضوع اللى انا جليك فيه

انا : خير ياسيف لاحسن انا قلقان من ساعة مانت كلمتنى

سيف : ماتقلقش الموضوع اللى عايزك فيه خير جدا ليك وليا بس اهم حاجه السريه

انا : ايه فى ماتشوقنيش

سيف : من الاخر وعلى بلاطه انت عارف انى انا وابويا بنشتغل فى الاثار

انا : سمعت حاجه زى دى قبل كده بس مش متاكد

سيف : لا اتاكد

انا : طب وانا ايه دخلى بالموضوع ده

سيف : ما انا عايز ينوبك من الحب جانب

انا : جانب ازاى انا ولا عندى اثار ولا اعرف حد بيتعامل فى الموضوع ده

سيف : لا عندك اثار

انا : ازاى يعنى

سيف : البيت بتاعكم اللى فى شرق البلد

● البيت ده عباره عن بيت قديم مبنى بالطين كان بتاع جدى زمان واول ماتولدت كتب الارض بالبيت اللى عليها باسمى علشان انا اول حفيد ليه والارض كانت عباره خمس قراريط والبيت مبنى على قيراط ونص

انا : ماله البيت

سيف : الاسبوع اللى فات كنا شغالين فى بيت قريب منكم بس مافيش نصيب والشيخ المغربى اللى معايا كنا بنتمشى انا وهو جمب البيت بتاعكم فجاه وقف واتسمر فى مكانه وفضل يقرا ويهمهم بكلام مش فاهمه وبعدين قالى

الشيخ : البيت ده بتاع مين

سيف : ليه يامولانا

الشيخ : البيت ده مليان خير وقريب جدا يعنى فى خلال 5 او 6 ساعات نكون مخلصين

سيف : ازاى يعنى

الشيخ : فى مقبره على بعد مترين بس هى كانت بعيده قوووى بس فجاه اترفعت ومن غير ما اعرف ازاى اترفعت دلوقتى واحنا ماشين

سيف : البيت ده بتاع جد واحد معرفه بس صاحب البيت مات وابن الراجل ده عايش فى القاهره وبنته الاولى متجوزه بس عايشه مع جوزها فى بلد جمبنا

الشيخ: اتصرف وشوف حل نوصل لابن صاحب البيت اللى فى القاهره حتى لو اضطرينا نسافرله

سيف: طب سيبنى اروح لحفيد الراجل ممكن يتوسطلنا عند خاله لان من معرفتى بيهم خاله بيعزه اووى

الشيخ: اتصرف

نرجع بقى للحوار بينى وبين سيف

سيف : ايه رائيك فى الكلام اللى سمعته ده

انا : هو الكلام يحير فعلا بس خطر

سيف : مافيش خطر ولا حاجه اليومين دول احسن فرصه للشغل البلد فوضى وماحدش مركز مع حد ودى احسن فرصه ولينا اللى هيامنا

انا : مين اللى هيامن

سيف : اللى هيشترى ليه رجالته فى الداخليه والجيش وهو اللى هيخلص كل حاجه حتى اللى هيشتغل فى البيت موجود كل اللى مطلوب ان خالك يجى علشان يبقى حاضر اللى هيحصل والمساله كلها مش هتاخد اكتر من اسبوع وانت ليك 10% بعيد عن خالك والرقم ده انت ماتقدرش تتخيله

انا : اوك ياسيف هفكر وارد عليك

سيف : بس ماتتاخرش علشان لو اتاخرت عليا هضطر اسافر لخالك وانت هتروح عليك المصلحه

انا : بكره بالكتير هكون رادد عليك

سيف : على العموم انا بايت النهارده هنا عند واحد صاحبى وبكره زى دلوقتى هعدى عليك علشان اسمع منك الرد سلام

انا : طب استنى اتعشى معايا

سيف : معلش علشان مستعجل سلام

انا : سلام

بعد مامشى سيف من عندى بقيت محتار ومش عارف افكر مسكت تليفونى واتصلت بابن عمى

انا : ازيك يامحمد اخبارك ايه

محمد : تمام ياسطا فينك مش ظاهر

انا : معلش بس الدروس بدات والدربكه اللى هنا حتى ا****عه سافروا مصيف وماعرفتش اسافر معاهم بسبب الدروس

محمد : ياعم روح فك شويه بدل الخنقه دى

انا : سيبك من حوار السفر دلوقتى انا عايزك فى موضوع مهم

محمد : خير

حكيت لمحمد كل حاجه حصلت

محمد : انت بتقول ايه ازاى ده

انا : ياعم زى مابقولك كده ده حتى سيف لسه ماشى من عندى

محمد : طب اقفل دلوقتى وانا ساعه واكون عندك علشان الموضوع ده ماينفعش فى التليفون

انا : طب تمام

بعد ماقفلت مع محمد سرحت بخيالى لو الموضوع ده تم الواحد يبقى فى مكان تانى خالص هتبقى كل حاجه تحت رجلى فلوس وعربيات وڤلل وكل حاجه قعدت افكر واسرح وماحسيتش بالوقت لحد ماجرس الباب رن قمت افتح لقيته محمد ودخل وقعدنا

محمد : ايه اللى قولتلهولى فى التليفون ده

انا : زى ماقولتلك سيف جانى وحكالى كل حاجه بخصوص البيت وعايزنى اكلم خالى

محمد : هو مش البيت ده با اسمك

انا : ايوه باسمى وعقده معايا

محمد : طب ليه ماقولتش لسيف ان البيت باسمك

انا : ماعرفش قولت افكر الاول

محمد : ودى حاجه محتاجه تفكير هى اه مخاطره بس مخاطره هتريحك عمرك كله وهتريحنى انا كمان

انا : عندك حق انا هتصل بسيف دلوقتى واقوله

محمد : لا استناه هو لما يتصل بيك بكره زى ماقالك علشان ماتبقاش مدلوق عليه

انا : عندك حق طب اعمل ايه مع ابويا

محمد : ماتجبش سيره لابوك ولا ابويا

انا : ليه

محمد : ابوك جاله اكتر من واحد للبيت بتاعك ده وكان بيرفض انت عارف ابوك بيخاف من الحاجات دى

انا : عندك حق يبقى بعد مانخلص نشوف طريقه نقوله بيها

بس المهم دلوقتى انا عايزك تختفى من الصوره وتفضل من بعيد علشان لو حصل غدر ولا حاجه

محمد : ماتشغلش بالك انا همشى الصبح بدرى على البلد واظبط الدنيا والرجاله والسلاح تحسبا لاى حاجه

انا : تمام كده وانا مش هنساك لا انت ولا الرجاله هندى الرجاله مبلغ محترم وانت هتبقى معايا وليك نسبه من اللى هيخرج

محمد : عيب عليك انا مش بساعدك علشان تقولى مش هنساك وليك نسبه والكلام الفاضى ده انا بساعدك علشان انت اخويا الصغير

انا : عيب عليك هو انت هتعرفنى النهارده مين هو محمد ده انت كلمة اخ قليله جدا عليك

وسهرنا الليله كلها نخطط هنعمل ايه ونظبط الدنيا ونحلم بالفلوس اللى جايه

* من ناحيه تانيه الشيخ وسيف بيتكلمو فى التليفون

الشيخ : عملت ايه ياسيف

سيف : كل خير قابلت الراجل واتفقت معاه ومستنى بكره علشان يرد عليا

الشيخ : طب انت تعرف خال الواد ده كويس

سيف : مش قوى اصله من زمان عايش فى القاهره ومابينزلش البلد كتير غير فى العزاء او الفرح ومابيقعدش كتير بس ليه بتسال

الشيخ : اصله لازم يبقى مضمون ونيته سليمه علشان الحاجه دى تطلع ولو فى ضمير اى حد مننا حاجه وحشه الحاجه مش هتطلع من اساسه

سيف : انا من ناحيتى تمام وانا وانت اشتغلنا مع بعض كتير وعمرنا ما ظلمنا حد و مهيب محترم وكويس انا اعرفه من زمان وخاله بالرغم من مشاكله الكتير اللى مع عمه بسبب الارض لكن عمره ماعمل حاجه وحشه

الشيخ : طب تمام انا هستنى ردك بكره

سيف : اوك

قفلت معاها وصحيت اخدت شاور وفطرت وغيرت هدومى وجهزت كتبى واخدت ياسمين وروحنا الدرس بس روحنا من غير العربيه واول ماوصلنا كانت منه ومى واقفين مع بعض واسماء واقفه مع واحده معانا اسمها اسراء وشلة الولاد واقفين مع بعض دخلت سلمت مع منه ومى وبعد كده اسماء واسراء وروحت وقفت مع الشباب وضحك وهزار مع بعض وبعد كده بدانا الدرس

انت : بعد اذنك يا مستر طارق انا هغيب الاسبوع اللى جاى كله

المستر : خير يا مهيب فى حاجه

انا : لا بس كنت مسافر مصيف مع اهلى هما سبقنى علشان يا خدو اسبوعين وانا قولتلهم هحصلهم الاسبوع التانى

المستر : تمام يا مهيب مفيش مشاكل والاسبوع اللى هتغيبه ابقى عوضه مع اى مجموعه من اللى هيبداوا اول الشهر

انا : الف شكر يامستر

المستر : لا مافيش حاجه انت غالى عندى

انا : شكرا يامستر

بعد ماخلصنا الدرس واحنا خارجين وقفت مع منه ومى شويه وجت ياسمين واسماء وقفوا معانا

مى : ايه حكايه المصيف دى يا مهيب

انا : زى ماسمعتى ابويا وامى واخواتى فى الغردقه بقالهم يومين وانا هحصلهم محتاج افضى دماغى شويه

منه : تروح وتيجى بالسلامه

انا : تسلمى يامنه

اسماء : ماشيه معاك ياعم انت تتفسح واحنا يطلع عينا هنا

انا : هههههه طب ماتونبريش فيها لتخرب

ياسمين : هتسافر يوم ايه

انا : احتمال بكره الفجر

اسراء : وهتعمل ايه مع باقى المدرسين

انا : اتصلت بيهم كلهم وبلغتهم

ياسمين : طب تمام يلا انا مروحه البيت هتيجى معايا

انا : لا روحى انتى انا معايا مشوار كده

ياسمين بغيظ : مشوار ايه ده

انا : مشوار خاص

ياسمين : براحتك سلام

انا : سلام يا اخوانا

سبتهم ومشيت روحت مطعم اشتريت غدا وشوية حجات وروحت البيت وانا داخل العماره لمحت ياسمين واقفه فى البلكون بس مابينتش انى شوفتها وانا داخل تليفونى رن كان سيف بيكلمنى

سيف : ازيك يا مهيب

انا : تمام

سيف : عملت ايه

انا : عدى عليا فى البيت

سيف : نص ساعه واجيلك

قفلت معاه وطلعت واخدت شاور وجهزت الغدا اللى جبته من المطعم واستتيت سيف اللى وصل بعدها بخمس دقايق

انا : اتفضل ياسيف تعالى نتغدى وبعد الغدا نتكلم

سيف : عملت ايه

انا : بعد الغدا هنتكلم

اتغدينا وعملت اتنين قهوه وقعدنا نتكلم

سيف : عملت ايه مع خالك

انا : سيبك من خالى دلوقتى انا عايز افهم الدنيا ماشيه ازاى ومين هيصرف على الحاجه لحد ماتطلع وهتتباع ازاى وده كله هياخد وقت قد ايه

سيف : انا اللى هصرف على الحاجه ومجرد ماتطلع هنصورها فيديو ونبعتها والمشترى هيحدد السعر وبعد مانتفق معاه بيوم الفلوس هتكون موجوده وسلم واستلم انا والشيخ التلت واللى هيشتغل هياخد 10% والباقى لخالك وامك وخالتك بينكم وبين بعض حسب ماتتفقوا وانت ليك النسبه اللى اتفقنا عليها منى ليك بعد مانخلص

انا : طب تمام هنبداء امتى

سيف : اول مايجى خالك هنبداء على طول

انا : سيبك من خالى انا اللى هخلص معاك

سيف : ماينفعش لازم صاحب البيت يبقى موجود والا هتبقى سرقه والحاجه مش هتطلع غير بوجود صاحبها لان الغدر والخيانه هيبوظ المصلحه

انا : ومين قالك ان احنا هنسرق او هنخون

سيف : مش انت بتقولى سيبك من خالى معني كده انك طمعان فى الحاجه لوحدك وده ماينفعش

انا : اولا ولا خالى ولا امى ولا خالتى ليهم حاجه فى البيت او الارض اللى مبنى عليها البيت

سيف : ازاى

انا : البيت والارض باسمى جدى كتبهم باسمى اول ما اتولدت علشان انا اول حفيد ليه

سيف : انت بتتكلم بجد

انا : لو مش مصدقنى ال*قد بتاع البيت معايا لو تحب تشوفه

سيف : لا انا مصدقك بس ماكنتش اعرف الموضوع ده

انا : مش مهم الكلام ده المهم هنبداء امتى

سيف : من بكره لو حبيت

انا : تمام بكره هجيلك البلد ونبدا

سيف : طب اسيبك دلوقتى علشان اروح اجهز الرجاله

انا : طب تمام

بعد مامشى سيف اتصلت بمحمد ورتبت معاه كل حاجه

__________

ياترى ايه هيحصل بعد كده ده اللى هنعرفه الحلقة اللى جاية