الحلقة التانية #التغيير

3242 Words

#الفتي_الشرير #الحلقة_الثانية #التغيير ___________ وقفنا الحلقة اللى فاتت لما كنت قاعد مع منه بحكيلها على ياسمين منه ' بحزن بتحاول تداريه ' : الف مب**ك ياسمين كويسه وبنت ناس محترمه عن ازنك بس افتكرت حاجه ماما طالبها منى وكنت ناسيه وقامت تجرى بعدها بشويه اصحابى وصلو وقعدنا سهرنا مع بعض وروحت البيت وعدى يومين وظهرت النتيجه وجبت 96 % وياسمين 94% ومنه 96% واحتفلنا فى البيت وتانى يوم اتصلت بياسمين قولتلها عايزك فى موضوع مش هينفع فى التليفون تعالى البيت عندى ونتكلم وبعدها بنص ساعه جت ودار الحوار كالاتى ياسمين: فى ايه يابنى انا : بصراحه بحبك وعايز اتقدملك ياسمين: ههههههه بطل هزار وقول عايز ايه انا : مش بهزر بتكلم بجد ياسمين : وانا مش موافقه انا : ليه ياسمين: لكذا سبب اولهم شكلك انا اللى هرتبط بيه لازم يكون محصلش وسيم ورياضى يعنى من الاخر نجم كدا لما امشى معاه كل البنات تشاور عليه وغير كده لازم يبقى غنى وانت اعذرنى يا مهيب ماعندكش اى حاجه من اللى بحلم بيه انا : انتى تافهه ياسمين : ارجوك ماتغلطش انا : اطلعى بره قامت ياسمين خرجت من الاوضه وانا قعدت اعيط بحرقه وامى كانت سامعه كل اللى بيحصل وماتدخلتش * من ناحيه تانيه منه بتعيط وهى قاعده مع مى صاحبتها منه : قولتك خلاص بيحبها وعايزها هى مى : يابنتى ما فى داهيه دى حتى لا شكل ولا اى ميزه منه : بس راجل بيقف مع اى حد محتاج من غير مايطلب منه ضهر لاى حد مهما كان كبير او صغير انا مش عايزه عيل فرحان بشكله بس فاضى من جوه انا عايزه راجل مى : ياستى محلوله هى كده كده ياسمين نفضتله وادته على قفاه يعنى الطريق فاضى وهو م**ور دلوقتى يعنى ماهيصدق منه : بس هو مش عايزنى مى : ياعنى هو هيتشرط ده يحمد ربنا ان واحده قمر زيك بتحبه ده المفروض يعيش خدام تحت رجلك العمر كله منه : ماتقوليش على مهيب كده تانى وسبينى دلوقتى عايزه اقعد مع نفسى * نرجع عندى انا عدى 3 ايام حابس نفسى الاوضه مش بخرج وبعيط اليوم كله وبكلم نفسى طب انا شكلى ماليش فيه اختيار وحالتى الماديه ده رزق ومش بايدى اغيره وفجاه وانا قاعد لقيت ابن عمى داخل عليا الاوضه انا : محمد ايه اللى جابك محمد : جيت علشان ميتين اهلك ايه اللى انت عامله فى نفسك ده انا : عامل ايه محمد : كل ده علشان بنت ***** اللى رفضتك عايز ايه من واحده امها ***** مش هى دى بنت الست اللى احنا خلصنا موضعها انا : هى محمد : ***** وضاقت عليك الدنيا مالقيتش غير دى انا : القلب ومايريد محمد : مفيش حاجه اسمها القلب ومايريد احنا عندنا عقل بنفكر بيه وبنوزن الامور انا : يعنى ايه محمد : يعنى تقوم تلم هدومك هتيجى معايا البلد وانا هظبطك لازم تبعد انا : هعمل ايه فى البلد محمد : لا دى مفاجاه يلا قوم قومت لميت حاجتى ومشيت مع محمد جيت انزل عند بيت جدى قال لا انت هتقعد عندنا فى البيت وهتقعد فتره طويله كمان لازم تتغير انا : ماشى وصلنا البيت عند محمد سلمت على عمى ومرات عمى وبنتهم اتغدينا وبعدين محمد اخدنى ونزلنا البدروم لقيت البدروم عباره عن جيم متكامل من مشايه لضنابل لاجهزه لغرفه سونا وفى اوضه صغيره فيها سرير ودولاب ومروحه وحمام انا اول مره اشوف المكان ده فى بيت عمى محمد باصلى وقال هنا هتقعد شهرين هتدفن فيهم مهيب القديم وتعمل فيهم مهيب جديد خالص قولتله يعنى ايه محمد : يعنى انت هتنام 6 ساعات بس فى اليوم متفرقين ومش هتاكل غير خضار وفاكهه وهتدرب اليوم كله ومش هتشوف الشارع غير بعد ماتتغير قولت لمحمد انا موافق وفى خلال شهرين انا سميتهم شهرين الجحيم بالنسبالى كنت بتعامل معامله قاسيه من ابن عمى سحب منى التليفون واللاب توب ومنعنى من الخروج من البدروم لدرجه انه هو وخارج كان بيقفل عليا الباب بالمفتاح كانى فى سجن ولما يجى يصحينى للتدريب كان ينادى مره واحده لو مصحيتش كان يدلق عليا مايه بتلج وطول الشهرين دول انا كنت نسيت شكلى لانه شال كل المرايات الموجوده ومش بشوف بشر غير محمد * ومن الناحيه التانيه عند منه منه : تليفونه مقفول باستمرا بعتله رسايل مابيردش عليا ولما شوفت محمود صاحبه قالى انه سال عليه اخوه وقاله ان مهيب راح البلد عند ابن عمه وهو قالى قبل كده ان الشبكه وحشه فى البلد بس ليه مابيردش حتى على الرسايل مى : ماعرفش انا ما فى داهيه ان شالله مارجع منه : ازاى مايجيش دى الدروس هتبدا اول الاسبوع ولازم يكون موجود مش علشان واحده ماتستاهلش يضيع نفسه مى : لا اكيد هيجى منه : ياريت * من ناحيه تالته عند ياسمين ياسمين قاعده مع صاحبتها بتضحك وتتريق ياسمين : مابقاش غير الحلوف ده اللى ارتبط بيه قال صاحبتها : ده اتهبل يابنتى ياسمين : اهو بقاله شهرين سايب البيت ومعرفش راح فى انهى داهيه بس مابشوفهوش خالص صاحبتها : هههههه تلاقيه راح يقعد جمب اى جاموسه عنده فى البلد يشتكيلها همه ما هم فيهم شبه من بعض ياسمين : هههههه حرام عليكى انتى كده بتهينى الجاموسه * نرجع بقى عندى انا محمد :النهارده اخر يوم ليك هنا انا عارف انى زودتها معاك بس لما هتبص فى المرايه وتشوف شكلك هتدعيلى انا : بالرغم انت ورتنى الويل بس انت مش ابن عمى انت اخويا اللى بحبه وعارف انت عملت كده ليه انا عايز ابص فى المرايه اشوف شكلى محمد : لسه شويه انا : ايه فى تانى محمد : اخر حاجه الحلاق هيجى دلوقتى يعملك لوك جديد ويظبطك وبعدين تشوف شكلك انا : اوك بعد نص ساعه جيه الحلاق وتقريبا محمد كان مفهمه كل حاجه لانه ماتكلمش معايا من اساسه كان عامل زى الانسان الالى بيشتغل من غير مايتكلم ظبطلى شعرى وعملى ماسكات وفوطه سخنه وكرياتين وحدد الدقن والفتره اللى اخدتها فى البدروم مابشوفش الشمس فتحت بشرتى جامد ده غير المسكات والكريمات اللى محمد بيعملهالى كل يوم واخيرا جات اللحظه محمد طلع جابلى طقم شيك من هدومه وقالى قوم البس وبعد ما لبست جابلى المرايه ابص لشكلى انا معرفتش نفسى بالمعنى الحرفى ببص فى المرايه بشوف بنى ادم تانى غير اللى انا اعرفه لولا انى بعمل حركات بايدى وجسمى وبشوفها فى المرايه كنت قولت انى فى واحد باصص عليا انا : انت عملت كده ازاى محمد: انا ماعملتش حاجه انت اصلا ملامحك جميله بس التخن وعدم اهتمامك بشكلك هما السبب خلى الناس تاخد عندك فكره وحشه تماما مادرتش بنفسى غير وانا باخد محمد فى حضنى واشكره على كل اللى عمله معايا محمد : بطل هبل ياض انت اخويا الصغير ويلا بينا معانا كذا مشوار قبل ماتروح بيتكم انا : مشاوير ايه محمد : نشتريلك هدوم بيتى على خروج على كام جزمه وكام كوتشى على شويه كريمات وبرفانات لازم لما ترجع الناس تشوف مهيب جديد ماتنساش دروسك هتبدا اول الاسبوع انا : اه صحيح انا كنت ناسى وما تصلتش بالمدرسين علشان احجز محمد : ماتخافش ابوك اتصل بالمدرسين وظبط الدنيا وقالهم انك مساف وهترجع على بدايه الدروس وفى حاجه تانى انا خليته يتفق مع المدرسين انك تبقى فى نفس مجموعه السنه اللى فاتت انا : ليه كده محمد : لازم تبقى قدامها فى الدروس والبيت وفى كل مكان علشان تعرف هى ضيعت ايه انا : عندك حق ... طب هات موبايلى محمد : خد ده انا : ايه ده محمد : ده موبايل جديد n97 علشان موبايلك بقى قديم وكفياه كده انا : بس ده كتير اوووى عليك محمد : انا مادفعتش حاجه من جيبى انا : امال مين اللى دفع محمد : ابوك اللى دفع انا : ابويا هيجيب الفلوس دى كلها من فين محمد : انت فاكر ان ابوك ماعندوش لا ياحبيبى ابوك عنده فلوس كتير واراضى بس مسلمها لابويا يديرها مع ارضه قصاد نسبه بس ابوك كان عايز انت واخواتك تكبروا وانتو عارفين قيمه القرش تصرفوا بس بعدل انت ماخدتش بالك من العيشه اللى انتو عايشنها بتاكلوا احسن اكل وبتلبسوا محترم وبتتفسحوا فى الاجازات كل ده من الوظيفه لا يبقى انت بتحلم النهارده كان يوم فارق فى حياتى اتغيرت 180 درجه من واحد شكله وحش وتخين ومعندوش فلوس لواحد وسيم بعضلات ومعاه فلوس النهارده انا بقيت واحد تانى غير مهيب القديم مهيب القديم دفنته فى البدروم خرجت انا ومحمد واشترينا كل حاجه وخلصنا وروحت البيت ومحمد رجع البلد اول ماوصلت البيت فتحت بالمفتاح ودخلت لقيت امى قاعده فى الصاله بتتف*ج عل التلفزيون امى : قامت مفزوعه انت مين ودخلت ازاى وبتنده على ابويا واخواتى وجو بسرعه انا : اهدى يا امى انا مهيب ابنك امى : مهيب ... ازاى بابا : ازاى ايه ايه انت ناسيه ان مهيب بقاله شهرين محبوس فى جيم عند ابن عمه وهو اللى فرمه كده امى : بس مش للدرجه دى انا : اهو اللى حصل خلصنا كلام وسلامات وهزار لحد ما ابويا قالى تعالى يا مهيب عايزك فى الاوضه شويه انا : حاضر يابابا .... وقمت معاه ودخلنا الاوضه وابتدا الكلام بابا : بص يا مهيب انت اكبر اخواتك من النهارده انت حد تانى غير مهيب القديم لازم تفهم ده كويس انا اذا كنت خبيت عليك اننا عندنا فلوس فعشان انت كنت صغير لكن دلوقتى خلاص كلها سنتين وهتدخل جامعه انت من النهارده هتبقى مستقل خد ده كارت فيزا هحطلك فى مصروفك كل اول شهر اصرف بس بعقل وخلى بالك من نفسك انا : حاضر يابابا انت عارفنى كويس وعارف انى قد المسؤليه وعمرى ما بصيت على اللى فى ايد غيرى وطول عمري راضى بنصيبى بابا : تسلم ياحبيبى ومن النهارده هتاخد عربيتى تروح بيها مشاويرك بس اللى جوه البلد لحد ماتطلع رخصه وساعتها هشتريلك عربيه ساعتها اخدت بابا بالحضن وشكرته قعدت اليومين اللى باقيين قبل الدروس فى البيت ماخرجتش خالص حتى البلكونه علشان ياسمين ماتشوفنيش وانا قاعد شغلت التليفون القديم علشان اخد من عليه شويه ارقام مش متسجلين وانا بفتحه لقيت فى رسايل كتير منهم كام رساله من محمود وطارق ومصطفى اصحابى بيطمنوا عليا علشان قافل تليفونى ومش عارفين يوصلولى وباقى الرسايل كلها من منه بتطمن عليا وواضح انها كلمتنى كتير وانا مش عارف هى عايزه ايه منى محتار من ناحيتها اصلها مش معقول بتحبنى بالشكل اللى انا كنت فيه ده انا محقق رقم قياسى فى جمله انا بحبك زى اخويا بس اقولك سيبها ب*روفها مسير الايام تبين تانى يوم لبست واتشيكت على الاخر ومستنى وباصص من العين السحريه واستنيت ياسمين تخرج وتروح الدرس وبعدها بشويه اتعمدت اتاخر بحيث ادخل الدرس بعد ما الكل يكون دخل وبالفعل نزلت اخدت العربيه وبقيت مستنى بعيد شويه لحد ما المجموعه دخلت وانا دخلت بعديهم وكانت المجموعه كامله خبطت على الباب ودخلت الجموعه كلها مستغربه مين الواقف على الباب ده الاستاذ : انت مين؟ انا : انا مهيب يامستر الكل فتح بقه مندهش منه ومى واسماء وياسمين كانت هتتشل من الصدمه الاستاذ: مهيب ازاى يعنى انا : انا مهيب اللى ماسك المجموعه الاستاذ : انا عارف بس ازاى كده انا : عادى اهتميت بنفسى بدل ماهتم بحاجات مالهاش لازمه ده غير انى لقيت اللى وقف جمبى وساعنى علشان اوصل للمرحله دى الاستاذ : ومين ساعدك بالطريقه دى انا : اتنين ابويا وابن عمى الاستاذ : طب ليه ماسعدوكش من زمان انا : لانى كنت فاكر ان الشكل مش مهم اهم حاجه اللى جوا الانسان طالما اللى جواه نضيف يبقى من بره الناس هتشوفه جميل لكن اتضحلى الع** ان الناس بتحب المظاهر والشكل الخارجى ومابتهتمش بالجوهر الاستاذ : عندك حق .... على العموم مب**ك عليك التغيير الجديد بس ياريت يبقى من بره بس ومن جوه تبقى زى مانت بقلبك النضيف انا : صعب يامستر علشان اقدر اغير بره كان لازم اقتل حاجات جوه .... يلا نبدا الدرس الاستاذ : ماشى يلا نبدا وبدانا الحصه وانا مركز مع المستر بس كل البنات مركزه معايا والولاد كمان وخلصنا الدرس وخرجنا وقفت مع اصحابى بره لحد ماخرجت منه ومى روحت ندهت على منه جت عليا ومبتسمه وسبت صحابى واتقدمت عليها انا : ازيك يامنه منه ' ب**وف ' : ازيك يا مهيب انا : متشكر جدا على سؤالك عليا فى فتره غيابى انا اسف انى معرفتش ارد عليكى لانى كان مسحوب منى الموبايل واللاب توب ومشوفتش رسايلك غير النهارده بس منه : ولايهمك انا بس كنت عايزه اطمن عليك لانك اختفيت فجاه ومحدش عرف يوصلك شايف ياسمين و اسماء من بعيد باصين ناحيتنا وياسمين سنه وهتطلع نار من عنيها انا : على العموم ياستى متشكر جدا ... انتى هتروحى دلوقتى ولا ايه منه : اه همشى مع مى انا : طب تعالى اوصلكوا مى : هتوصلنا بايه سيادتك ايه هتوقفلنا تا**ى انا : عيب عليكى تا**ى وانا موجود انا ازعل كده منه : اما هتوصلنا بايه انا : ابويا ادانى العربيه بتاعته لحد مايشتريلى عربيه جديده مى ' بانبهار ' : وعربيه جديده كمان انت ايه اللى حصلك الشهرين دول بالظبط انا : حصل حاجات كتير بعدين احكيلكو هتركبوا معايا اوصلكو ولا اروح لوحى مى : لا طبعا جايين معاك منه : معلش يا مهيب انا مش هقدر اركب معاك انا : ليه منه : لان انا وانت مفيش حاجه تربطنا غير ان احنا مجرد زمايل فى درس لا احنا اخوات او حتى قرايب علشان اركب معاك ثم ان اى حد هيشوفنى راكبه معاك هيقول كلام انت عارفه كويس انا : تمام براحتك اتفضلى مى : معلش يا مهيب انا همشى معاها مش هينفع اسيبها لوحدها انا : اوك طول الحوار ده وياسمين واسماء بيبصوا علينا وهايكلونا بعنيهم روحت معدى من جمبهم من غير ما ارمى السلام وركبت العربيه ومشيت الحركه دى خلت ياسمين خلاص وصلت العماره وطلعت وانا قدام الشقه خرجت منى مامت ياسمين وكانت اول مره تشوفنى منى : انت مين انا : ايه ياطنط انا مهيب منى : طب ازاى انا : لا ازاى ده موضوع يطول شرحه هحكهولك بعدين منى : ولا عمرك هتحكى عارفاك .... المهم ياسمين ماجتش معاك ليه هى مش معاك فى الدرس انا : اه هى معايا بس بعد ماخرجنا هى وقفت مع صحباتها وانا مشيت مع اصحابى بقالى فتره ماشوفتهمش منى : ماشى يا مهيب انا : سلام دلوقتى منى : سلام يا مهيب * من ناحيه تانيه عند منه ومى مى : ماركبتيش معاه ليه ؟ منه : واركب معاه ليه مافيش اى حاجه بينى وبينه لا احنا قرايب ولا مخطوبين يبقى ايه اللى يخلينى اركب معاه مى : امال فين الحب منه : موجود مى : اهو بكره تتلم عليه 100 واحده وهو هيجرى عليهم منه : ولو راح وراهم انا اللى مش عاوزاه مى : يعنى ايه منه : يعنى انا حبيت مهيب الراجل مش مهيب الامور اللى البنات بتجرى وراه اللى معاه فلوس انا لو كنت كده كنت وافقت على حسين اللى عرض عليا الارتباط بدل المره 10 مى : اسكتى مش ارتبط بالبت ياسمين منه : مين قالك الكلام ده مى : من كام يوم كنت نازله اشترى حاجات خاصه بيا وانا وراجعه كنت معديه جمب الكافيه اللى بنقعد فيه لقيتهم داخلين وماسكين ايد بعض منه : ههههههههه هما الاتنين شبه بعض ومناسبين جدا لبعض سيبك منهم * من ناحيه تانيه بين ياسمين و اسماء اسماء : شوفتى الواد بقى مز ازاى ياسمين: ايوه بس ازاى اسماء : مش مهم ازاى المهم حاجه تانى ياسمين: حاجه ايه اسماء : اعمل خطه اوقعه معايا ياسمين : توقعيه ازاى اسماء. : يعنى اخليه يحبنى ياسمين : انتى اتجننتى اسماء : اتجننت ازاى ياسمين: عايزه تظبطى مع واحد هيموت عليا وعمل كل ده علشانى اسماء : ههههههه علشان مين يابطه دى حتى ما سلمش عليكى انتى نسيتى اللى عملتيه فيه ياسمين : غلطه وهعرف اخليه يسامحنى عليها اسماء : يسامح مين انتى ماسمعتيش كلامه للمستر دى معنى كلامه انه عمل كده مخصوص علشان يثبتلك انه ضاع من ايدك ولا لما قال علشان يغير حاجه اضطر قصادها يقتل حاجات كتير عارفه قتل ايه قتل حبه ليكى قتل كل لحظه حلوه عاشها معاكى قتل كل مساعداته ليكى ما اظنش ان اللى شفناه النهارده هو مهيب اللى حبك مش هو مهيب اللى اتحايل على المدرسين علشان يدخلك فى الدروس مش هو مهيب اللى فضل طول السنه اللى عدت يذاكرلك مهيب اتغير كتير ده مش مهيب اللى احنا نعرفه انا اعرف مهيب من اولى ابتدائى مهيب اللى كنت اعرفه حاجه و مهيب اللى شوفته النهارده حاجه تانى كانى بشوف بنى ادم تانى خالص مهيب اللى اعرفه مليان هزار وحيويه ونشاط ماكانش يعرف غير حاجتين انه يساعد الناس ويهزر عيونه وملامحه كانو ديما بيضحكو لكن مهيب بتاع النهارده ده حد تانى انا ماعرفهوش بنى ادم خشن بيضحك فى اضيق الحدود عيونه ثابته صدقينى مهيب اختلف كتير ده لولا صوته اللى انا عارفاه كويس كان قلت ان ده مش مهيب ولا حتى يقرب ل مهيب من بعيد ياسمين : يعنى مهيب ضاع منى اسماء : مهيب عمره ما كان ليكى علشان يضيع منك ولا حتى هيبقى ليا لان انا وانتى زى بعض زباله وهو نضيف انا اعرف مهيب من 11 سنه بس ماهتمتش بالجوهر واهتميت بالشكل ياسمين : مستحيل انا مش هسمح لحد ياخد من مهيب اسماء : مش انتى ارتبطى بحسين كفايه عليكى ياسمين : حسين مين ده تافه بالنسبه ل مهيب اسماء : انتى حره ..... سلام * نرجع تانى عندى واقف فى البلكونه بفكر فى اللى حصل النهارده وسرحان وفجاه سمعت صوتها من البلكونه اللى جمبى الصوت اللى كان بيخلينى اتوه فى احلام كتير مالهاش اخر بس المره دى ماحستلهوش طعم ياسمين : ازيك يا مهيب انا : الحمد لله بخير وانتى ياسمين : بخير .... بس ايه التغيير ده حصل ازاى انا : عادى تدريب فجاه وانا واقف بكلم ياسمين تليفونى رن برقم غريب فرديت انا : الووووووو مين معاييا المتصل : انا مى انا : خير يا مى فى حاجه مى : عايزه اشوفك ضرورى دلوقتى انا : ماينفعش فى التليفون مى : لا الموضوع شرحه يطول ومش هينفع فى التليفون انا : خلاص ماشى هستناكى بعد ربع ساعه فى الكافيه مى : اوك .... سلام انا : سلام ياسمين : خير فى حاجه ؟ انا : مش عارف مى عايزانى فى موضوع مهم عن اذنك ومادتهاش فرصه ومشيت * بعد شويه فى الكافيه انا : خير يامى قلقتينى احنا كنا مع بعض من ساعتين مى : ماتقلقش مافيش حاجه خطيره بس عايزه اسالك سؤال انا : اتفضلى مى : احنا نعرف بعض من امتى ؟ انا : ياه من كتير جدا .. انتى تقريبا اول واحده اعرفها فى البلد دى ساعه ماجيت فى اولى ابتدائى مى : حلو .... طب ايه رائيك فيا انا : قصدك ايه مى : يعنى فى شخصيتى او اسلوبى مع الناس انا : بشكل عام انتى شخصيه كويسه وذكيه ومابتسمحيش لاى حد مهما كان ان يتجاوز حدوده معاكى مهما كان درجه قربه منك .. مابتكدبيش وص**حه لابعد الحدود مع ان الصراحه دى بتعملك مشاكل كتير مى : طب كويس جدا ان ده رائيك فيا ده هيشجعنى انى اقولك اللى انا عايزاه انا : خير مى : منه بتحبك من زمان وحاولت كتير انها تقولك بس مقدرتش انا : عارف انها بتحبنى بدليل انى لو غبت يوم من الدرس كانت تطمن عليا ولما اختفيت الفتره اللى فاتت هى الوحيده اللى سالت عليا وكانت هتجنن وده اللى واضح من الرسايل اللى بعتتها وقبل ماتعرف اللى بقيت فيه يعنى بتحبنى بجد بس انا خلاص قتلت اى مشاعر حب فى قلبى مابقتش اثق فى حد قلبى بقت وظيفته ضخ الدم للجسم مش اكتر ثم انى مش هرتبط باى واحده دلوقتى قبل ما اخلص جامعه علشان كده عايزك تخلى منه تنسانى ومع الوقت اكيد هتنسى وهى كده كده كده هتخلص ثانوى السنه دى وتروح جامعه اما انا لسه قدامى سنتين علشان ادخل جامعه فهنفترق وتنسانى وهتلاقى فى الجامعه احسن منى بكتير على الاقل هيبقى لسه عنده قلب يدهولها مى : كل ده علشان ياسمين انا : مش ياسمين وحدها معظم صنف الحريم شبه ياسمين مى : خلاص براحتك عن اذنك بعد مامشيت مى فتحت شنطتها وخرجت تليفونها حطته على ودنها مى : سمعتى اللى حصل منه : ايوه سمعت كل حاجه وهستناه كفايه عليا انه يعرف انى بحبه بس وانا مش هتعرضله نهائى لحد مايعرف انه مالوش غيرى مى : زى ماتحبى .... سلام * من ناحيه تانى اسماء : ابتدينا الشغل كده ومن اول يوم لا كده كتيير بس انتى متاكده انها مى ياسمين: ايوه انا سمعتها وهو اكدلى انه نازل يقا**ها ده زى مايكون ماصدق انها تكلمه اسماء: يعنى كان بيرغى معاها بعد الدرس هى ومنه وبعد اقل من ساعه تكلمه وينزلها جرى لا كده لازم نتصرف ياسمين: هنتصرف ازاى يعنى اسماء : محتاجه افكر سبينى دلوقتى اول ما هوصل لخطه هكلمك ... سلام دلوقتى ياسمين: سلام ___________ ولحد هنا انتهت الحلقة

Free reading for new users

Scan code to download app

App Store Google Play

Facebookexpand_more