RYZA LOPEZ (WYNTER)
Prente akong nakaupo sa single-seater na couch sa receiving area ng mansyon ni Don Adolfo. Nakasandal ang likod ko sa malambot na sandalan habang nakakrus ang mga binti ko maging ang mga braso. And I kept reminding myself na wala akong dapat ikabahala dahil kasama ko naman si daddy, mommy, Kuya Hanz, Ate Sophie at Ate Bianca.
Nakita na nila ang picture namin ni Ryan na sinend ni Monet kay daddy gamit ang ginawa niyang dummy email. Iyon ang dahilan kung bakit sila nagdesisyon na sumugod dito ngayon. At alam kong hindi sila papayag na hindi maayos ang bagay na ‘to.
Wala pa man nga si Ryan ay nagkasundo na agad si daddy at Don Adolfo na ipakasal kami. He ven set the date himself at magaganap na ‘yon next month. Tinatanong pa nga ako ni Don Adolfo kung buntis daw ba ako?
