TUMAYO SI Peter para lapitan si Amah at alalayan. Kahit marami siyang katanungan ay binalewala niya muna 'yon. Kakausapin niya ito kapag sila na lang dalawa. Nagmano siya rito nang makalapit at inalalayan na makaupo sa may gitnang bahagi at muli siyang bumalik sa tabi ni Khaira. Ngunit tumayo ang asawa at nagbigay galang din kay Amah. Napangiti siya sa inasal ng asawa.
Inirapan siya nito nang bumalik sa tabi niya. Akala niya ay hindi ito tatabi sa kanya saka namayani ang katahimikan.
"Are we going to wait until midnight?" Pagbasag ni Amah makalipas ang ilang minuto na walang nagsasalita. "We are here to talk about Nyra—about your family, Nygel Peter."
Napasulyap siya kay Khaira na nakatingin na rin pala sa kanya. Hindi niya mabasa kung ano ang tumatakbo sa isipan ng asawa. Pero kahit
