Bewitching the Bachelor's Heart

Bewitching the Bachelor's Heart (R18)

SIMULA

NANG MAGLAYAS mula sa kanilang bahay, mula sa isang buong pamilya at mula sa isang marangyang buhay, napadpad si Celeste Guevarra sa Batanes, sa isang liblib na bayan, sa pag-asang doon makikita ang tunay na mga magulang. Pero kung minamalas nga naman, naholdap siya at nanakawan ng mahahalagang gamit at pera.

Kaya naman nang magkaro'n ng pagkakataon ay hindi niya na pinakawalan pa ang binatang si Israel Guillanes na saktong napadaan lulan ng magara at mamahaling sasakyan nito. Pero bigo rin na makalapit si Celeste sa isang police station nang dapat ay ihahatid siya rito.

Dulot ng awa, pinagmalasakitan at dinala siya ng binata sa ligtas na lugar para ro'n muna magpalipas ng gabi.

Ang inaakala nilang isang gabing pagkikita lamang ay siyang masusundan pa pala ng mas maraming pagkakataon nang mapili naman ng pamilya ni Israel si Celeste bilang bagong 'ampon' sa pamilya.

Mailap at may sama ng loob sa lahat ng miyembro ng kanilang pamilya, ganoon lang ang buhay ni Israel mula pa noong bata pa lamang siya, at hindi niya inaasahang magagawa niya ulit magtiwala nang mapalapit ang loob niya sa dalagang si Celeste.

Paano kaya nila bubuuin ang sarili gayong pareho silang wasak dulot ng iba't ibang uri ng pagsubok sa kaniya-kaniyang buhay, makatulong kaya ang isa't isa kung ang gusto naman ng mga tao sa kanilang paligid ay maging magkatunggali sila para sa yaman na pinag-aagawan.