RAMDAM KO ANG HAPDI NG MGA MALILIIT NA SUGAT SA MGA PAA KO KINABUKASAN. Pero pagkamulat ko sa mga mata ko ay nagpasya pa rin akong tumayo para makapaghilamos na.
It’s actually a good thing that it’s Saturday. Makakapagpahinga ako kasi walang pasok. Siguro naman ay hindi na masakit ang paa ko sa lunes.
Pagkauwi ko nga kagabi ay tinanong ako nina Tatay kung ano ang nangyari sa akin, sinabi ko na lang na nag-enjoy akong magtanggal ng doll shoes sa resort at nadulas, mukhang kinagat naman nila ang dahilan ko kasi ako pa ang pinagalitan nila sa huli.
Kesyo hindi raw ba ako nahiya sa boss ko, at kesyo hindi raw kasi ako nag-iingat kaya nangyari sa akin ito. Hinayaan ko na lang sila at sinigurado sa kanila na okay lang ako. Ramdam ko rin ang sakit ng katawan ko. Sobrang bigat sa pakiramdam.
L
