Dahil sa binalita ng Daddy ni Lovelyn maghapon siyang nagkulong sa kwarto. Ayaw muna niyang makausap kahit na sino ngunit sadyang makulit ang Yaya Nora niya at pabalik-balik ito sa kaniyang silid at gusto siyang makausap. Kaya napilitan na lamang si Lovelyn na pagbuksan ito ng pinto.
"Yaya, okay lang po ako. Nag-iisip lang kung anong magandang gagawin," nakatungo siya habang sinasabi niyon sa harap ng Yaya Nora niya.
"Kanina ka pa nagmukmok dito, hija," ani ng Yaya niya na malungkot at nasa mata ang pag-a-alala.
Hinaplos nito ang pisngi niya gamit ang likod ng palad nito habang malungkot ang ngiti sa labi na tahimik lang titig sa kaniya at pagkatapos ay huminga ito nang malalim sabay hinawakan nito ang magkabila niyang kamay at marahang pinisil.
"Yaya Nora," ani ni Lovelyn sa paninitig
