Tahimik lamang si Lovelyn na nakatayo sa layo ng Isang hakbang sa nakatalikod na binata, tapos na ito makipagusap ngunit hindi pa ito humaharap. Hindi pa nito alam na nasa tabi na siya nito at ayaw rin naman niyang gambalain ang privacy ng binata kahit na may duda na pumapasok sa isip niya. Nilukob nang hindi maipaliwanag na kaba sa dibdib niya nang humarap na ang binata sa kaniya. Tila bang nabigla pa ang binata na makita siya at sobrang lapit pa rito.
"N-narito ka na pala sweetheart," ani nito sa kan'ya.
Ipinasok sa suot na maong pants ang hawak na cellphone at humugot nang mabilis na buntong hininga. Bumukas ang labi na tila bang may sasabihin ito sa kaniya subalit nabitin si Lovelyn dahil dagling napalitan nang matiim na pagtitig sa kaniya ang binata. Hindi matagalan ni Lovelyn, nag-
