"What comes to your mind and you climb that tree?" tanong sa akin ni Lolo habang pinapalitan ni Nana Ising ng gauze ang sugat ko sa binti.
Nandito kami ngayon sa opisina ni Lolo. Tinapalan lang ni Nana ang sugat ko hindi gaya kay Six na binalot talaga niya kaya mukhang injured na injured ako.
"Sorry, Lo. Nadulas lang talaga ako. Saka nabali iyong sanga," pangangatwiran ko.
Nailing ito sa akin. "Dalaga kana, wala ka pa ring dala."
"Lo."
"Okay, just don't do it again. Maraming tauhan sa hacienda na pwede mong utusan. Kahit si Six na lang sana pinaakyat mo. Sa tigas ng ulo noon hindi iyon mababagok kahit mauna ulo kapag nalaglag." Natawa ako sa sinabi ni Lolo.
"Lo, apo n'yo po iyong tinutukoy n'yo," paalala ko sa kaniya.
"Maliban sa gandang lalaki ko, wala na siyang ibang namana sa aki
