Dahil nga ayaw na talaga akong pagtrabahuhin lalo ni Lolo sa mansyon ay hindi ko mapigilang mainip. Dati nagagawa ko pang hindi sumunod sa kaniya pero ngayong may mga pasa pa ako sa katawan, lahat sila ay pinagbabawalan na ako.
Nasa balkonahe ako ngayon par magpa-araw nang makita ko si Tito Baste na pasakay ng kotse niya. Hindi ko mapigilang sundan siya ng tingin. May dala itong puting bulaklak na nakalagay sa isang flower basket. Saan naman kaya ito pupunta? May dadalawin ba siyang puntod o may sakit? Kasi wala naman akong alam na ibang pagbibigyan niya ng bulaklak.
Hindi ko inalis ang mata kay Tito Baste hanggang sa makaalis ang sasakyan niya. Mabait siya sa akin. Madalas man na serysoso siya pero napapansin ko na hindi naman niya ako pinagsusungitan at kapag may gusto ako basta bigyan
