Arietta's POV
NAGPAALAM ako sa kanila na uuwi at nagdahilan na masama ang pakiramdam ko. Ayoko namang masira 'yong masayang moment nila kaya ako na lang ang umiwas. Sa totoo lang ay kaya ko naman talagang itago itong nararamdaman ko kasi hindi pa ako sigurado sa kaniya. Ang dami ko pang gustong malaman at napakaraming tanong pa rin ang gumugulo sa isip ko.
Nagpaikot-ikot ako sa kama at hindi ako mapakali sa puwesto ko. Kinuha ko 'yong cellphone sa side table at hinanap ang number ni Steven. Hindi ko alam kung tatawagan ko ito o magte-text na lang. Ilang minuto akong nakatitig sa cellphone hanggang sa nagkaroon ako ng lakas ng loob na tawagan. Pikit matang idinikit ko sa kanang tainga ko ang cellphone at hinihintay na sagutin niya.
"Arietta?" rinig kong tawag sa kabilang linya. Napadilat
