HANNA APRIL BRILLENTE
Hindi ko na inabala pa si Gino para sunduin ako sa shop ni Phoenix. Plano ko na lamang sanang mag-commute pauwi pero hindi rin pumayag si Phoenix kaya sinabihan niya si Jake na ihatid muna nila ako.
Alas sais y media ng hapon noong dumating kami sa bahay kaya medyo madilim na. Hindi na bumaba si Phoenix, binuksan na lamang niya ang bintana sa side niya para magpaalam sa akin nang makalabas na ako sa backseat.
"Salamat sa paghatid. Ingat kayo pauwi." Nakangiti pa akong kumaway sa kanila.
"H'wag mo kalimutan 'yung payo ni Jake, ha? Mag-usap kayo ni Gino nang maayos at masinsinan. Heart to heart. Wala kasi kaming magandang maipapayo sa'yo ni Kim, kaya kahit kay Jake man lang makinig ka," paalala niya sa akin. Bahagya naman akong ngumiti at tumango bago sila tuluyang
