Chapter 11
Kinabukasan ay inaya ni Leon si Mami sa isa raw massage. Ililibre raw siya nito kaya pumayag naman kaagad si Mami. Never pa siyang nakaranas ng masahe. Madalas ay hilot lang noon kapag sinasabing masama ang pakiramdam niya o kung ano pa man. At dahil libre nga ay pakiramdam ni Mami tiba-tiba siya. Dahil mababantayan niya si Leon at kasama pa siya nito sa masahe.
"Bilisan mo, dali," bungad kaagad ni Leon sa kanya paglabas niya sa pinto ng apartment.
"Excited? Sandali lang kasi," tugon pa ni Mami habang nag-aayos ng sintas ng sapatos niya.
Matapos niyang mag-ayos ng sintas ay kaagad na siyang hinila ni Leon. Nagpadala na lang naman siya sa paghatak nito sa kanya. Sumakay sila sa kotse nito at nagpunta na sa kung saan.
"Saan ba 'yong sinasabi mong massage? Mari-relax ba ako ri
