Chapter 12
Dahan-dahan niyang ibinaba ang katawan ni Mami. Dinukot niya ang isa pa niyang baril mula sa likuran at sinugod ang kung sino mang nasa loob ng Honda City sedan na sasakyan. Pinaulanan niya ng bala ang mga nasa loob at siniguro niyang walang mabubuhay sa mga iyon. Nang makalapit siya sa sasakyan at nang masigurado niyang wala nang humihinga sa tatlong lalaki ro'n ay nagmadali siyang binalikan si Mami. Namumutla ang labi at buong mukha nito. Patuloy pa rin ang pag-agos ng dugo nito mula sa likuran. Kaagad niyang binuhat ang katawan ni Mami at isinakay 'yon sa kotse niyang may basag sa bandang bintana dahil din sa tama ng bala. Kaagad niyang dinala si Mami sa malapit na clinic para malapatan kaagad ito ng lunas. Hindi siya maaaring magpunta sa kahit na saang ospital dahil baka m
