Nagpabalik-balik ako ng langoy. Mahigit isang oras na rin simula ng magpaalam si Aling Sonia. Nag-iisa na lang ako sa napakalaking mansion ng Lolo Ismael ko. Hindi naman ako natatakot na mag-isa rito dahil mayro'n namang nagbabantay na guwardiya rito sa mansion at may CCTV camera sa bawat sulok nito sa labas.
Umahon ako ng makaramdam ako ng pagod at gutom. Tumungo agad ako sa kusina upang kumuha ng pagkain. Nagluto rin si Aling Sonia ng pagkain bago ito umalis. Kumuha lang ako ng sandwich at juice. Kinain ko na lang ito sa lamesa na nasa kitchen.
"Bakit kaya wala pa si Andrew, anong oras na?" tanong ko sa aking sarili.
Ang excitement na aking nararamdaman ay umaapaw. Samo't sari ang pumapasok sa aking utak. Sa kuwarto ko na lamang ito patutulugin tutal dalawa lang naman kami ang nand
