TAPOS na niyang basahin ang sulat pero nanatili parin siyang nakatitig doon. Pagkatapos ay muli niyang binasa ang pangalang nakasulat sa ibaba. Fair Miss. Alam niyang codename iyon, pero talagang curious siya kung sino iyon.
Hindi naman iyon ang unang beses na nakatanggap siya ng anonymous letter. Pero this time ay talagang affected siya. Kahit alam niyang mahihirapan siya, parang gusto niyang alamin kung sino ito. Napapikit si Ace saka minasahe ang sariling batok at maingat na itinupi ang sulat saka iniipit sa kanyang notebook.
Sa maraming pagkakataon noon ay hindi niya pinag-aaksayahan ng panahong itabi ang mga kagaya nitong anonymous letter. To think na sulat kamay pa ang mga iyon. Pero ang isang ito, computerized at halatang ayaw nitong magpahuli, ayaw nitong
