PARANG ipinako sa kinatatayuan niya si Ace dahil sa narinig niyang iyon. Kilala niya ang boses, si Ronnie. Sumilip siya para lang makaramdam ng tila nakamamatay na sakit nang bumati sa kanya ang tanawin sa loob ng classroom.
Si Michelle habang yakap ni Ronnie at marahang hinahaplos ang likuran. Bakit umiiyak ang dalaga? Ang gusto sana niyang itanong pero minabuti niyang huwag nalang. Dahil sapat na ang nakikita niya ngayon at narinig niya kaninang sinabi ni Ronnie bilang kasagutan.
Nasasaktan siya pero wala siyang karapatan. Ito na nga ba ang kinatatakutan niya, ang maunahan kay Michelle nang kahit sinong alam niyang mas nakahihigit sa kanya. Nangyari na nga. Gusto niyang magalit sa pagkakataon pero hindi pwede. Noon niya sinulyapan ang dala-dalang meryenda. Dalaw
