HUWEBES nang umaga at katatapos lang ng psychotherapy ni Nina kaya minabuti nilang maglagi na muna sa pool side. Inabala niya ang sarili sa panonood sa bata na noon ay masaya namang kinukulayan ang mga bagong bili nitong coloring books.
Nasa ganoong ayos sila nang maramdaman ni Michelle ang tila papalapit na yabag mula sa kanyang likuran. Nilingon niya iyon para lang matigilan at kabahan nang makilala ang nagmamay-ari ng mga yabag. Walang iba kundi si Criselda.
“Anong ginawa mo rito?” tanong niyang tumayo saka pinatatag ang tinig. “at paano ka nakapasok?”
Tumawa ito saka siya sinuyod ng tingin mula ulo hanggang paa. “Sa gate saan pa? Tanga ang katulong ninyo kaya naging madali para sa akin ang salisihan siya” anitong sinulyapan ang batang noon ay abala parin sa kanina pang ginagawa.
“W
