“NAGPAALAM kana ba kay Nina?” abala si Michelle sa harapan ng salamin nang marinig ang tinig na iyon ni Aling Doray. Nginitian niya ang matandang naupo naman sa gilid ng kanyang kama. “Puntahan mo siya, baka hanapin ka” anitong titig na titig sa kanya.
“Sige po Aling Doray, pagkatapos ko rito” aniya.
“Bagay na bagay kayo ni Ace, alam mo ba iyon hija?”
Nabitin sa ere ang hawak niya brush saka wala sa loob siyang napalingon sa matanda. “Ano po?”
Ngumiti si Aling Doray. “Kanina nang bumaba kayo ng sasakyan para kayong tunay na pamilya. Sana kung magmamahal rin lang siya ng babae,sana ikaw nalang. Dahil bukod pa roon, nakikita kong gustong-gusto ka ng anak niya” kwento sa kanya ng matanda.
Hindi niya maintindihan pero parang wala sa sarili lang siyang napatango matapos marinig ang lahat n
