“GINAGAWA ko ang lahat ng makakaya ko para makuha sa kanya ang bata sa mas maayos na paraan. Ayoko nang dumaan sa korte, gastos nanaman iyon bukod sa matagal” paliwanag ni Criselda kay Daniel. Ang live-in partner niyang naiwan sa Dubai.
“Aba’y bilisan mo. Kailangang makabalik kana rito sa lalong madaling panahon. Baka biglang matigok ang tatay ko at kamkamin lahat ng kapatid ko ang mga ari-arian namin” demand sa kanya ng lalaki.
“Oo sige ako ang bahala. Babalitaan kita” at naputol na ang linya.
Nakilala niya sa Daniel sa malaking hotel na pinagtatrabauhan niya sa Dubai. Manager doon at binata habang siya ay receptionist naman. Sa kwento sa kanya ng nobyo, mayaman ang pamilya nitong tubong Quezon Province. Manggahan, palayan at iba pang negosyong relat
