Magiliw ang musika na pumapailanlang sa paligid ng C-Byen banana plantation. Hanggang sa labas ng malaking gate at sa kadulo-dulohan ng pader sa boundary na pag-aari nito ay dinig ang musikang nagtataglay ng labis na kasiyahan. Makikita maging sa labas pa lang na kalsada na maraming tao sa loob ng mansyon dahil sa mga kotseng naka-park at iba’t iba pang uri ng sasakyan.
“Happy birthday to you . . .”
“Happy birthday, dear Ciro . . .” sabay-sabay na kanta ng mga tao. Matapos ang kanta ay sumunod naman ang masigabong palakpakan na sinabayan pa ang hiyawan at tawanan. Sadyang nilalakasan ng lahat ang kanilang mga boses dahil nasa labas ng main house ini-held ang kaarawan ni Ciro—for Ciro’s safety.
“Happy birthday to you, my little man,” ani Churie sabay halik sa pisngi ni Ciro at niyakap it
