Makalipas ang isang linggo ay tuluyan na ngang nakabalik ng Pilipinas si Erish, matapos na bayaran ang kontrata nitong ’di tinapos. Mag-isa lamang siyang umuwi lalo’t nalipat na rin sa ibang model/artist ang dati niyang manager. Nasa Prestige City airport na siya ngayon at kararating lang.
“Miss Erish, welcome back to the Philippines,” ani Secretary Lopez matapos iabot kay Erish ang isang bouquet ng red roses. “Dito po tayo, Miss Erish.” Agad na hinila ni Secretary Lopez si Erish tungo sa isang private door na diretso sa emergency door ng private parking space.
Nang makarating sila doon ay marahas na hinila ni Erish ang kamay niya paalis sa hawak ni Secretary Lopez. Nagsasalubong ang mga kilay ni Erish na palinga-linga sa paligid.
“Nasaan si Zader? Ikaw lang ba ang susundo sa ’kin? I as
