Matapos kumain nang marami ay tulala pa ring nakaupo sa Churie sa inuupuan niyang silya. ‘For so many years, that was the first time na kumain ako ng ganoon karami.’ Napakurap-kurap siyang muling pinagmasdan ang walang laman niyang pinggan maging ang mga serving bowl ng ulam na tanging mumunting sauce na lang ang makikita. ‘Anak, feeling ko sa daddy mo nakuha ’yang gana mong kumain . . .’ Hinimas ni Churie ang kaniyang tiyan.
“Maganda ’yan, Anak. Tiyak akong lalaking malusog ’yang sanggol sa sinapupunan mo . . .” bulong ng Nanay Calista niyang marahang itinatabi ang kaniyang mga pinagkainan.
“Bu-buntis ka po, Miss Rie?” tulalang tanong ni Riya habang hawak ang mga empty plates. Galing ito sa main hall ng canteen at nanguha ng mga pinagkainan ng mga tauhan.
“Riya, baka mabitawan mo ’yang
