NAGTAKA SI KARIZZA nang ibang mukha ang kaniyang makita nang dumating ang sasakyan ni Zi.
Wala ang kaniyang Papa Abel dahil ngayon lang niya nakita ang mukhang iyon ng isang lalaki na siyang nagmamaneho ng sasakyan ni Zi. Kasing pormal din ng suot ni Zi ang bihis ng lalaking iyon. At katulad ng kaniyang asawa, hindi rin pahuhuli sa pagiging matikas ng katawan at kaguwapuhan ng mukha. Hindi rin mabanat ng ngiti ang labi. Napakaseryoso.
Nang makababa si Zi ay nagsalubong pa ang mga kilay nito nang makita siyang sumalubong sa may labas ng mansiyon. Humigpit ang kapit niya sa isang paper bag na may lamang adobo. Nagpasobra talaga siya para sana ipadala sa kaniyang ama at ng maiulam nito at ng kaniyang ina.
“Si Papa Abel?” taka pa niyang tanong kay Zi.
“Hindi na magmamaneho ang Papa mo para
