Seraphine Rose
Hindi ko akalain na nasa labas na agad si Zachary. Kararating lang namin halos dito sa club at alam kong alam niya rin naman dahil nag-message ako sa kanya. Kaya paanong nandito na agad siya? Malapit ba rito ang bahay niya?
“Ano sabi ng boyfriend mo?” tanong sa akin ni Avreet paglabas niya ng cubicle.
“Uhm… nasa labas na raw siya.”
“What?!” gulat na tanong niya.
Kahit ako rin naman nagulat talaga pero kaya ko naman kontrolin ang emosyon ko. Ewan ko lang dito kay Avreet kung bakit hindi niya kayang gawin ‘yon.
“Nandito na siya?” tanong pa niya na para bang hindi niya narinig ang sinabi ko. O baka gusto niya lang talaga manigurado.
“Yah,” sagot ko at ipinasok ko na sa shoulder bag ko ang phone ko.
Kailangan ko na sigurong magpaalam sa mga kaibigan namin. Hindi ko lang
