نعم هذه انا زوجتك

الفصل الثاني

لتركض فريده الي غرفتها تكاد تتعثر من فرط سرعتها

لتلحقها يارا

يارا بحزن وغضب من كلام اخيها فهيا ماكانت لتتحمل رفض مثل هذا ابدا :

انا اسفه يافريده علي الي عمر قاله والله هو قلبه ابيض بس مش بيحب حد يجبره علي حاجه انا اسفه بجد علشان خاطري متزعليش

لتلتفت اليها فريده والدموع تغرق وجهها فكلماته قد مزقت روحها قبل قلبه :

انا مش تلزيقه يايارا زي مااخوكي قال عليا

انا الف مين يتمناني بس انا مش رضيت ازعل جدو مني انا عمري مزعلته ولا **رت كلمته

بس خلاص انا الي مش موافقه علي اخوكي ولو هو مش طايقني قيراط انا مش طيقاه اربعه وعشرين.

يارا برجاء وهيا تقترب منها لتحضنها وتربت علي ظهرها :لا يافريده ارجوكي مش تقولي لجدو حاجه سيبيه يعمل الي هو عايزه وزي ما سمعنا هو هيكتب الكتاب وبعدين هيبقي يجي يتمم الجوازه يمكن كل حاجه تتصلح في الفتره دي وحاله يتصلح والله اخويا طيب اوي وقلبه ابيض بس هو بيحدف دبش بس سعات بس والله حنين قوي انتي مش عارفاه.

لتمسح فريده دموعها بكفيها :انا اصلا مش فاضيه ليه خالص انا ورايا مذاكره وحلم عايزه اوصله وزي ماجدي يقرر انا معاه انا قولتلك اني عمري مزعلته ومش ه**ره علشان واحد ميستهلشي .

يارابحزن عليها فهيا لم تكن تتمني ان يحدث هذا ابدا :ان شاء الله ربنا هيصلح الحال وكل حاجه هتبقي كويسه .عقبالي يارب

لتنهي كلامها بطريقه فكاهيه

لتضحك فريده علي كلامها :

طيب ياختي خلصي كليتك

بتاعه الحمير دي الاول

لتتذمر يارا وهيا تضم يديها حول ص*رها :

بتاعه حمير ايه ياجاهله هو علشان الحمير الي فيها اكتر من الدكاتره تبقي كليه حمير.

فريده بضحك :

طيب شوفتي اهو انتي الي قولتي.

يارا وهيا تصقف بيديها :

الله شوفتي ضحكتك حلوا ازاي متبطليش ضحك ابدا يافري تمام علشان بتبقي جميله قوي .

فريده :تمام بس انا مش بهزر دا احنا عندنا سليم بيكره الكليه دي قوي اصل التنسيق بتاغه كان جايبها واضطر ان يقضي فيها سنه وبعدين حول الحربيه

علشان كدا احنا مش بنحبها.

يارا بتساؤل :سليم دا الي بياكل البنادمين.

فريده وهيا تضع يدها علي قلبها من الضحك :

ههه يخربيت سنينك دا لو سمعك هياكلك بجد دا سليم دا جان يابنتي ولا الاتراك في زمانهم .

يارا :اتراك ايه جاتك نيله هو علشان طويل وحليون وعينيه سودا وشعره جميل ورموش*ه طويله يبقي و تركي اسكتي جاتو نيله في شكله الي يسد النفس دا.

لتنظر الي فريده لتجدها مجحظه العينين تنظر امامها

لتذهب اليها فريده مالك يابنتي مبلمه كدا ليه في حاجه .

لت**ت قليلا ثم تتابع بخوف :

اوعي تقولي ان الي في بالي ورايا.

لتهز فريده راسها بالايجاب

ليبتسم سليم عليها ويذهب حتي لا تراه

لتلتفت يارا ببطئ فلا تجد احد .

يارا بتساؤل وهيا تنظر الي فريده :مفيش حد يافريده امال ايه اممم دي .

فريده بابتسامه :ماهو مشي .بقولك قومي غيري هدومك وتعالي انتي لسه قاعده بهدومك لحد دلوقتي قومي خدي شور وتعالي .

يارا بابتسامه :اااه والله محتاجه شور قوي

******************************

ينفع الي انت عملته جوه عند جدك دا ياعمر

نطق بها عا** وهو ينظر الي ابنه بضيق شديد

عمر ببرود :

- امال ايه الي ينفع يابابا اتجوز عيله في ثنوي عمري ماشوفتها انت عارف اني لسه محققتش طموحي ويوم ماتجوز مش هتجوز الا وحدا اكون بحبها وعارفها كويس عارف طبعها بتحب ايه بتكره ايه لكن يجي مره واحده يقولي اتجوز دا مستحيل.

لينظر اليه عا** بضيق :خلصت الي عندك

انا دلوقتي بقولك انك هتتجوزها يعني هتتجوزها

انا زمان زعلت ابويا مره وهو لحد دلوقتي غضبان عليا مش هتيجي انت كمان تعصي امره وتخليه يقول انك ابن ابوك في كل حاجه مش تفكر انها موافقه عليك لا هيا كمان مش عاجبها الطريقه بس مش رضيت تزعل جدك وانا مش بقولك اتجوزها . اكتب عليها ونمشي وسنتين تلاته نبقي نشوف ربنا هيحلها ازاي

عمر وهو يصر علي اسنانه .....تمام يابابا قولهم يبعتوا يجيبو المأذون بكره علشان هنكتب الكتاب ونمشي علي طول انا مش فاضي للكلام ظا

عا** بهدوء وهو ينظر الي عمر بتفكير......تمام انا هروح بنفسي اقولهم وافرح جدك

********************************

سهير بتعجب شديد :انتي بتقولي ايه يافاتن الصاوي اكبير اتصل علي عا** وقاله انه عايزه دا عمره معملها من يوم متجوزك مش غريبه دي قوي.

فاتن ببرود :هيا غريبه بس ياخبر النهارده بفلوس بكره يبقي ببلاش لا وكمان قال ايه عايزين ياخدوني معاهم انا اروح هناك بعد لما كان رافض جوازي من ابنه وكمان كان هيتبري منه دا مستحيل طبعا .

سالي ابنه سهير تحب عمر وتحاول ان تجعله ملكا لها:

طيب ياتونه ياجميل عمر كمان راح معاهم

فاتن :اه ياقلب تونه هو ويارا كمان راحت معاهم وانا قولت هاجي اقضي اليومين دول معاكوا هنا.

سهير :زين ماعملتي يافاتن بس نفسي اعرف عايزهم في ايه.

فاتن :قولتلك ياخبر النهارده بفلوس .

*******************************

عا** بهدوء وهو ينظر الي والده :

خلاص يابابا الماذون يجي بكره يكتب الكتاب علشان عمر وراه شغل كتير ولازم نرجع اسكندريه.

الصاوي بفرحه كبيره :

تمام ياولدي دلوقتي اسماعيل وسليم هييجوا وهخبرهم علي الغدا علشان يعملو حسابهم.

عا** بهدوء :ربنا يصلح الحال ويهديهم لبعض.

'''''''''''''''''''''''''''''''''''''''''

في غرفه فريده

يارا بابتسامه وهيا تنظر الي فريده وتضع يدها علي بطنها بطفوله :

بقولك ياديدا انا جعانه قوي انا هنزل لطنط المطبخ

اشوف اي حاجه اكولها واسيبك تذاكري شويه

اصلي جعانه قوي قوي بصراحه.

فريده بابتسامه فهي قد احب يارا ومرحها :تمام ياجميل روحي المطبخ تحت علي الشمال .

يارا بضحكه :متوصفيش انا هتتبع ريحه الاكل ولا يكون عندك فكره.

فريده :ههههههه طيب يامفجوعه

يارا :مفجوعه مفجوعه باي بقي.

لتنزل يارا الي المطبخ فتجد فايزه والخادمه يقومان بتجهيز الطعام وعلي وشك وضعه علي الطاوله

يارا :طنط فايزه.

فايزه بابتسامه :نعم ياحببتي عايزه حاجه .

يارا بخجل :والله ياطنط يعني انا كنت جايه اشو...

ليقطع حديثها دخول سليم

سليم :الغدا بسرعه يا امي.

لينظر اليها بخبث محاولا مضايقتها:

وانتي ايه دخلك هنا يابتاعه انتي.

يارا بغضب وهيا تقترب منه وتض*به في ص*ره :

بتاعه في عينك يالطخ يابارد انت.

فايزه :فيه ايه بس ياولاد ايه الي حصل عاملين زي الديوك كدا ليه.

ليمسكها سليم كما يمسك الحرامي من ملا بسها :

ابدا ياما دي هيا بس قليله الربايه وانا قررت اني اربيها

من اول وجديد.

لتض*به يارا علي ص*ره :ابعد عني ياحيوان انت انت ايه ماسك حرامي .

ليصر علي اسنانه :انا حيوان وكمان لطخ طيب وديني لتكوني متعلقه في الزريبه مع اصحابك.

يارا بغضب :صحاب مين ياباف انت انا مليش صحاب هنا.انت قولت زريبه اه ياحيوان

يابابا الحقني يابابا.

ليسرع عا** اليها :في ايه ياسليم مالك ماسكها كدا ليه سيبها بسرعه يالا.

ليتركها سليم :ابدا ياعمي بس بنتك ناقصه ربايه بتقولي ياحيوان يالطخ.

لينظر لها عا** بغضب :يارا انتي قولتي كدا .

يارا :يابابا ..

عا** بحده :اعتذري حالا.

يارا بغضب :مش هعتزر يابابا مش..

ليقطع كلامها صفعه علي وجهها من والدها

لتاخذها فايزه في احضانها :ليه كدا ياابوعمر

ليه كدا بس.

عا** بغضب :شكلي معرفتش اربي كويس يافايزه.

ليتركها ويذهب وهو يتاكله الغضب

سليم بحزن فهو لم يرد ان تصل الامور الي هذا الحد:

-انا اسف

لتنظر إليه يارا وعيونها لا تتوقف عن زرف الدموع :

انت عارف ان بابا عمره مامد ايدو عليا وبسببك انت ض*بني لاول مره في حياته انا بكرهك ياسليم بكرهك بجد .

لتذهب سريعا الي غرفه فريده وتتركه يقف مكانه لا يعلم لما شعر قلبه بالحزن عند نطقها لهذه

الكلمه

فايزه بحزن علي يارا وهيا نتظر الي ولدها بضيق :

ليه كدا بس ياسليم هيا مش عملت حاجه ليك انت الي جيت وجريت في شكلها واهو عمك ض*بها عاجبك كدا

روح دلوقتي واعتزر لها ومش تنزل الا وهيا راضيه فاهم ياسليم .

سليم بحزن :حاضر ياماما هروح اراضيها.

ذهب لكي يحضر لها شئً يصالحها به ليس لان والدته طلبت منه هذا ولكن لانه لم يستطيع ان يراها حزينه

************************

فريده بحزن وهيا تربت علي ظهرها برقه :

بس لو تقوليلي انتي مالك وتبطلي عياط بس .

يارا وهي تكفكف دموعها :اخوكي الغ*ي اتسبب في ان بابا يض*بني قلم .

لتشهق فريده :ليه ايه الي حصل بس.

لتقص عليها يارا ما حدث :

-يارا والي قهرني في الموضوع اني ملحقتش اكل اي حاجه ودلوقتي انا زعلانه من بابا ومش هنزل اتغدي معاهم ها والله مانا نازله وهفضل هنا لحد لما اموت من الجوع .

لتضحك فريده عليها بقوه :

وبتقولي انك اكبر مني والله انتي عيله عيله يعني.

يارا بتذمر :اضحكي اضحكي ياختي مانتي رخمه زي اخوكي اللطخ دا بس انا مش هسيبه لازم اخد طاري منه.

فريده بابتسامه وهيا تنظر اليها :

طيب خلاص مش تزعلي انا اصلا مش هاكل

معاهم هنزل اجيب لينا اكل وهاجي تمام.

يارا بسعاده بجد :طيب روحي بسرعه يالا علشان انا والله جعانه قوي جعانه ياناس.

فريده :ماشي يالا انا نازله اهو مش تزعلي خالص.

لتذهب فريده لجلب الطعام بينما يارا تجلس في غرفتها تنتظرها

لتسمع دق علي الباب ادخلي يافريده يالا

لكن الدق يستمر ف*نهض لتفتح الباب واذا بها تجد...

*******************

وبكدا خبص البارت يارب يكون عجبكوا ومتنسوش النجمه ?

دمتم سالمين