نعم هذه انا زوجتك

الفصل الثالث

لتنظر الي الارض واذا بها تجد بوكيه من الشكولاتات موضوع علي الارض

لتنظر اليه بفرحه ايه دا مين الي عارف الشكولاتات الي بحبها

لتنظر بداخله لتجد كرت قد كتب عليه

(اسف ..مش لاقي كلام اعوضك بيه عن القلم بس اتمني اكون قدرت اخليكي تبتسمي)

لتنظر يارا بدهشه الي ما في يدها..معقول يكون سليم

لتعض علي شفتيها غافله عن الذي يراقبها بحب

لتحضنه وتدور يه في الغرفه ويكاد تُسمع دقات قلبها من الخارج

ليقاطع دورانها صوته

سليم بابتسامه :عجبك.!

لتتصنم يارا مكانها من كثره احراجها لتنظر اليه ووجهاا يكاد يشتعل نارا من فرط خجلها.

يارا بغضب ممزوج بالاحراج :لا مش عجبني واتفضل اهو مش عايزاه.

لتقذفه في عليه ليرتطم في ص*ره

سليم وهو يحاول يتمالك نفسه :شكرا اوي علي ذوقك وانا غلطان اني فكرت اراضيكي اصلا .

لياخذه ويذهب وهو يتاكله الغيظ من هذه البلهاء

فقد نجحت وبجداره لاثاره حنقه

*******************************

فريده وهي تنظر الي والدتها :

ماما لوسمحتي ممكن اخد اكل ليا وليارا علشان ناكل فوق.

فايزه باستفسار :تاكلوا فوق ليه ياحببتي مش هتاكلو معانا دا عمك عايز يشوفك وكمان عمر.

لتضحك فريده بسخريه :والله معلشي ياماما اصل يارا مش عايزه تاكل تحت بعد ما عمي زعقلها علشان كدا هيا هتاكل فوق وانا هاكل معاها .

فايزه بهدوء :طيب ياحببتي خلاص الي يريحكوا

روحي انتي وانا هبعت سعديه وراكي بالاكل.

فريده بابتسامه وهيا تقبلها من خدها :

منحرمش منك يااحن ام في الدنيا كلها .

فايزه بحب :ولا انحرم منك ياقلب امك انتي ربنا يسعدك يارب

لنذهب فريده سريعا لتقف عند سماع صوته يتحدث في الهاتف

عمر بضيق شديد :بقولك ياحسام جدي مُصر انه يجوزني من بنت عمي قال ايه البنت لابن عمها اولي

ليرد عليه حسام قائلا : طيب متشوفها ياعمر مش يمكن تكون حلوه ومؤدبه وتعجبك .

عمر بسخريه شديده :حلوه ايه ياعم هي لو حلوه كان فرضها عليا بالشكل دا دا قال لبابا هغضب عليك ليوم

حسام بجديه : طيب شوفها ياعمر انت مش هتخسر حاجه .

عمر بضيق شديد وهو يضع يده في جييه :

اسكت ياحسام والنبي

انا لاعايز اشوفها ولا طايقها من اصله

انا خايف لو شوفتها الهفها قلمين

حسام بنفاذ صبر : طيب هتعمل ايه دلوقتي .

عمر :هعمل ايه ياعني انا هكتب

عليها زي ماجدي عايز ومش هزعله

هو وبابا هكتب بكره وهمشي برضوا

وصدقني البيت دا انا مش هدخله تاني

الا علشان اطلق لكن احكايه اني ارجع اتمم

الجواز دا لايمكن يحصل ابدا علي جثتي انا

لو اجوزت لازم اتجوز وحده بحبها

ليتحدث حسام بغضب : يابني حرام عليك دي مهما كان من لحمك ودمك وبعدين انت ترضاها علي اختك .

عمر بغضب شديد :ارضها علي اختي ايه الي انت بتقوله دا دا انا اختي ست البنات الف مين يتمنها وهو حد يقدر يفكر بس انه يبصلها كنت خزقت عينيه الاتنين وبعدين انا عمري مدلل علي اختي قال اخطب لبنتك قال .

حسام : اتقي الله شويه ياعمر ولو مش هايزه خليك رافض لكن متعملش فيها كدا هتندم والله ياصاحبي.

عمر :خلاص يا حسام بطل مواعظ وروح انا هروح علشان اتعشي اصلي جعان قوي وبعدين هنام علشان اشوف المصيبه الي ورايا بكره دي

يالا سلام.

ليغلق الخط ويذهب غافل عن الاعين التي تراقبه فمنهم من مزق قلبه من الالم ومنهم من اكله الغضب

لتذهب فريده الي غرفتها ودموعها لا تتوقف عن النزول كيف تجرأ علي ان يفكر بها هذا التفكير كيف له ان يفكر ان يربطها به ويتركها ويذهب لتواجه هيا كل الظنون من بعده

لتمسح دموعها وتتحدث بتوعد :طيب يابن عمي اوعدك انك هتندم علي كل كلمه قولتها في حقي .

يارا :فريده ..فريده مالك يابنتي انا عماله انادي عليكي من الصبح فيكي ايه وعماله تعيطي كدت ليه انتي كويسه ؟

لترتمي فريده في احضانها وتبكي مجداا

لتربت يارا علي ظهرها

يارا : مالك ياقلبي انتي كويسه طيب قولي اي حاجه

لتستمر فريده في البكاء اكثر واكثر .

يارا بحزن :طيب عيطي طلعي كل الي جواكي .

لتبتعد عنها فريده وتمسح دموعها .

يارا : ها قوليلي بقي مالك .

فريده :ابدا انا كويسه بس عندي درس ولازم اروح علشان الامتحان كمان اسبوع ودي مراجعه نهائيه.

يارا :طيب مش هتقوليلي ايه الي مزعلك كدا اصل انا حاسه ان البت فيه حاجه كل الي فيه بيعيط .

فريده :ابدا ياقلبي بس كل مافتكر ان الامتحانات قربت اخاف قوي.

فريده :انا همشي والاكل سعديه هتجبهولك انا مش جايلي نفس اكل خلاص اشوفك كمان ساعه

يارا :طيب الوقت مش اتاخر دا المغرب ادن.

فريده بتبرير كاذب :

لا اصل انا بروح لمس في البيت الي جمبنا وهي بتديني انا وصاحبتي خصوصي ومبتفضاش الا دلوقتي يالا بقي سلام .

**********************************

علي مائده الطعام يتراس المائدة الحاج محمود الصاوي

علي يمينه ابنه اسماعيل بجانبه ابنه سليم

وعلي الجانب الاخر ابنه عا** وابنه عمر

الصاوي :انا اتفقت مع عا** وعمر يااسماعيل ان بكره كتب الكتاب وعمر هيجي يتمم كتب الكتاب بعد لما فريده تدخل الكليه وتعدي فيها سنتين تلاته.

اسماعيل :الي تشوفه يابابا.

سليم وهو ينظر الي عمه : وانا ياعمي عايز اطلب ايد يارا وعايز الفرح يبقوا فرحين.

لينتفض عمر من مكانه :نعم انت بتقول ايه

سليم ببرود :بطلب ايد اختك من عمي ها قولت ايه ياعمي.

الصاوي الكبير :هيقول ايه ياولدي هو هيلاقي لبنته احسن منك فين .

عا** بتفكير :ايوا بس يابابا.

الصاوي :مبسش بكره يبقي كتب كتاب الاتنين وبالنسبه للفرح نعمل فرح سليم ويارا كمان شهر

وتكمل كليتها هنا .

ها قولت ايه ياعا** ؟

عا** بضيق .الي تشوفه يابابا انا مش هلاقي ليارا احسن من سليم

عمر وهو ينظر الي سليم بغيظ ليبادله سليم النظره ببرود تام فهو خائف علي اخته منه

اسماعيل :طيب هقوم اني علشان اشوف كام عجل اجهزهم للدبح بمناسبه كتب الكتاب.

الصاوي :تسلم ياولدي روح اتوكل علي الله.

عا** :وانا هقوم يابابا اشوف يارا واقولها .

الصاوي :اتفضل يابني.

لينهض عا** ويذهب الي غرفه فريده فيدق الباب لتفتح له يارا الباب

يارا :بابا اتفضل ادخل.

عا** بحب :ازيك ياقلب بابا عامله ايه .

يارا بحزن :انا الحمد لله يابابا كويسه.

ليضمها عا** اليه بقوه ويقبل راسها :انا اسف يايارا اسف لاني مديت ادي عليكي لاول مره :انا اسف بجد بس انا زعلت لما لقيتك بتكلمي ابن عمك كدا .

يارا بابتسامه :ولا يهمك يابابا انا برضو غلطت في سليم مش زعلانه خلاص.

عا** بتوتر :طيب بخصوص سليم هو طلب ايدك مني النهارده وانا عايز اعرف ايه رايك.

يارا بتوتر ممزوج بفرح :مش عارفه يابابا انا مش عارفه بصراحه هو حلو ومستفز قوي وجان كدا في نفسه بس عصبي مش عارفه رخم برضو .

عا** :انا وافقت عليه يايارا وجدك قرر ان كتب الكتاب بكره مع فريده وعمر.

يارا بعصبيه :انت بتقول ايه يابابا ليه ياعني هوانا بهيمه جاي ياخدها ملهاش راي طيب انا مش موافقه.

عا** بحده :اقعدي واسمعي سليم ابن عمك اكتر واحد انا هبقي مطمن عليكي معاه هو راجل يعتمد عليه بجد علشان كدا انا وافقت وكلمتي اكيد انتي مش هت**ريها مش كدا ياحبيبت بابا.

يارا بحزن ودموع :خلاص الي تشوفه يابابا عن اذنك

لتلتفت لتذهب من امامه ليوقفها سؤاله.

عا** بهدوء واستفسار :يارا امال فين فريده بنت عمك مش شايفها يعني مش المفروض دي اوضتها.

يارا بهدوء :نزلت راحت الدرس عندها مراجعه نهائيه قبل الامتحان فاضل عليه اسبوع.

عا** :بس دا المغرب ادن في درس دلوقتي

يارا اصلها بتاخد درس في البيت الي جمبنا هي قالت كدا تقريبا بيت صحبتها عا** طيب ياحببتي كنت عايز اشوفها بس مش مشكله تتعوض ان شاء الله.

لتوما له يارا وتقف مكانها فيذهب والدها وهو يشعر بالحزن علي ابناءه فهو لم يكن يديد ان يجبر احد علي الزواج فقد اطلق لهم سابقا كامل الحريه في اختيار الشريك كما فعل هو .

بكدا البارت خلص دمتم سالمين