"Alam mong mabilis uminit ang ulo ko sa mga hindi agad sumusunod sa sinasabi ko, hindi ba, Liliana? Hindi ba't alam mo iyon?" saad niya na may kasamang tanong habang ipinaghahain niya ako sa lamesa.
Habang nagsasalita siya nasa mga plato at kubyertos ang atensyon niya habang inilalapag sa lamesa at ako naman tahimik lang na nakaupo at ang dalawa kong kamay ay nakapatong sa ibabaw ng magkabila kong hita.
Napilitan akong umupo sa hapag kainan dahil kung hindi pa rin ako susunod sa kanya ay baka higit pa roon ang ipatikakim niya sa akin... masiyado nang masakit ang katawan ko at labis na ang takot ko para suwayin pa siya kaya kinailangan ko sumabay sa kanya sa pagkain at kainin ang niluto niya.
Nasa plato at kubyertos lang din ang tingin ko habang nakatayo siya sa gilid ko at nilalagyan na
