Pagkapasok ko ng bahay ay nagulat pa ang mga magulang ko nang makita ako. Ganoon na lang din ang labis kong pananabik na muli silang makita at makasama.
Kahit na hindi naman ako ganoon katagal na nawala pakiramdam ko ay ang tagal-tagal na panahon ang inilagi ko sa islang iyon.
"Daddy... Mommy..." tawag ko sa kanila buhat ng basag kong boses.
Tumakbo ako sa kanila at si Daddy ay sinalubong din ako ng mahigpit na yakap. I feel that he's really happy to see me again.
Ngunit kabaliktaran naman ni Mommy na nagtatanong ang mga matang nakatingin sa direksyon ni Mayor na nakatayo lang sa likod ko habang yakap-yakap ako ni Daddy at naguguluhan siya sa biglaan kong pagbabalik ng bahay.
"Mr Mayor, what is the meaning of this? You're giving back my daughter? Why?" Mommy asked him in confusion.
