Mabilis na tinungo ng mga paa ko ang bahay nina Andres. Hindi na ako nag-abalang tumawag. Dere-deretso akong tumungo sa pinto nila at kahit nakabukas iyon ay kumatok pa rin ako.
"A-andres, Aling Sonya."
Walang sagot mula sa loob. Muli kong inulit ang pagtawag.
Lumabas si Aling Sonya bitbit ang isang malaking bag.
"R-rosana, ikaw pala," aniya bago nag-iwas ng paningin.
Madali kong naunawaan kung ano ang nangyayari.
"Aalis ho ba kayo, Aling Sonya?"
"A, oo. Uuwi muna kami sa probinsya. K-kailangan kasi kami doon. May mga importeng aasikasuhin."
"Kami, ibig sabihin kasama niyo po si.."
"Oo." nakangiti niyang tugon.
"Kung gayon, nasaan po si Andres? P-pwede ko po ba siyang ma-makausap?"
Nakita ko ang biglang pagbabago ng ekspresyon niya. Marahan siyang naglakad palapit sa akin.
"Hay
